«استانا قالاسى اكىمدىگىنىڭ «ناز» مەملەكەتتىك بي تەاترى ساۋد ارابياسىنىڭ ابحا قالاسىنداعى «Qemam Mountain Performing Art Festival 2024» فەستيۆالىنە قاتىسادى. اتالمىش ءىس-شارا 18-28 قاڭتار كۇندەرى وتەدى. استانالىق ونەر ۇجىمى وندا «قازاق جادىگەرلەرى» باعدارلاماسىن ۇسىنادى.
«قازاق جادىگەرلەرى» – قازاق حالقىنىڭ باعزى زامانداردان بەرى ساقتالىپ, ۇرپاقتان-
ۇرپاققا جەتكەن ۇلتتىق قۇندىلىقتارىن حورەوگرافيا تىلىندە ۇسىناتىن ەرەكشە فورماداعى قويىلىم-كونتسەرت. كورەرمەندى بي ونەرى ارقىلى ۇلتتىق مادەنيەتكە, ەستەتيكاعا, سۇلۋلىققا ءتانتى ەتۋگە, ۇلتتىق رۋحتى كوتەرۋگە ارنالعان.
بۇل باعدارلاما بىلتىر استانا قالاسىنىڭ 25 جىلدىعىنا وراي ۇسىنىلدى. كونتسەرت قازاقتىڭ سالت-داستۇرلەرىن پاش ەتەتىن «تۇساۋكەسەر», «ءسۇيىنشى», «سەكىرتپە», «قايىم ايتىس», «كوڭىلاشار» سىندى ەرەكشە قويىلىمدارعا نەگىزدەلگەن. قازاق جىگىتتەرىنىڭ باتىرلىعىن, ورلىگىن, قايسارلىعىن بەينەلەيتىن «تاۋ ۇلى» ءبيى – تەاتردىڭ ۇزدىك قويىلىمدارىنىڭ ءبىرى. «نازبيكە», «ىڭكار سەزىم», «اققۋ», «سەرپىن» بيلەرى قازاق قىزىنىڭ نازىكتىگىن, سۇلۋلىعىن كورسەتەدى.
