كۇننەن-كۇنگە قۇلپىرىپ, جايناپ كەلە جاتقان قالامىزدىڭ اسەمدىگى كوز تارتادى. ەندى ەلوردانىڭ ەرەكشە كورىنىستەرىن ەسىل وزەنىنىڭ بويىن كەمەمەن جاعالاپ, تاماشالاۋعا بولادى. ال ەكسپو كەزىندە استانالىقتار جانە قالا قوناقتارى ءتۇن مەزگىلىندە كەمەلەرمەن سەرۋەن جاسايدى.
كەمەمەن ءجۇزۋدىڭ 9-ماۋسىمى جاڭالىقتارعا تولى. جولاۋشىلاردى سۋ كولىگىمەن تاسىمالداۋ تۇنگى ساعات 01:00-گە دەيىن ۇزارتىلدى. سونداي-اق, تۇرعىنداردىڭ سۇراۋى بويىنشا كەمە ورتالىق ساياباقتا, «شۇبار» شاعىن اۋدانىندا, «جىل مەزگىلدەرى» ساياباعىندا ايالدايتىن بولادى. بۇل تۋرالى استانا قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ «ەسىل-استانا» كاسىپورنى ديرەكتورى قانات ءالين مالىمدەدى ال سەرۋەندەۋ قۇنى مەن قوزعالىس باعدارى وزگەرىسسىز قالدى. بالالار ءۇشىن – 500 تەڭگە, ەرەسەكتەرگە – 1000 تەڭگە. كەمە «سارىارقا» كوپىرىنەن باستاپ «اقوردا» رەزيدەنتسياسىنا دەيىن جۇرەدى. قازىرگى تاڭدا استانا قالاسىنىڭ وزەن فلوتى 14 سۋ كولىگىنەن تۇرادى. ونىڭ 8-ءى تەحنيكالىق بولسا, 6-ۋى 265 جولاۋشىعا ارنالعان.
گۇلدانا تالعاتقىزى
