«استانا جاستارى» جاستار رەسۋرستىق ورتالىعىنىڭ ۆولونتەرلەرى «ەSIRTKIGE JOL JOQ» جانە «Bolashaqqa Jol» جوباسى اياسىندا ەلوردالىق پوليتسيا دەپارتامەنتىمەن بىرگە ەسىرتكى زاتتارىن جارنامالايتىن قالاداعى تۇرعىن ۇيلەر مەن عيماراتتاردىڭ سىرتىنداعى جازۋلاردى بوياۋ اكتسياسىن وتكىزدى.
ءىس-شارا اياسىندا پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى جانە «Alians KGN Qazaqstana» قق بىرلەسە وتىرىپ, سارىارقا اۋدانىندا ەسىرتكى ساتۋ تۋرالى مالىمەتتەرى بار نىسانداردى تەكسەردى. اكتسيا بارىسىندا ەرىكتىلەر ءتيىستى مەكەنجايلاردى انىقتاپ, سينتەتيكالىق ەسىرتكىنى جارنامالايتىن Telegram bot سىلتەمەسى بار جازۋلاردى بويادى. سونداي-اق بەلسەندىلەر قالا تۇرعىندارىنا ەسىرتكىنىڭ زيانى تۋرالى اقپاراتتىق بۋكلەتتەر تاراتتى. اكتسيا ديسپانسەرلىك ەسەپتە تۇرعان ەسىرتكىگە تاۋەلدى ادامداردىڭ سانىن ازايتۋعا باعىتتالدى.
استانا قالاسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ اعا جەدەل ۋاكىلى ءاليا كيباتقىزى اسىرەسە 14 مەن 35 جاس اراسىنداعى ەسىرتكىگە ءۇيىر جاستاردىڭ ۇلەسىن ازايتۋ كەرەكتىگىن اتادى. ونىڭ ايتۋىنشا, ەسىرتكى ساتۋ جارناماسىنا قارجى تابۋ ماقساتىمەن جۇگىنەتىن جاسوسپىرىمدەر ءجيى الدانادى.
استانا قالاسىنىڭ پوليتسيا دەپارتامەنتى جىل باسىنان بەرى زاڭسىز ەسىرتكى جارناماسى بار 60-قا جۋىق سايتتى انىقتاپ, سايكەسىنشە بۇعاتتادى. ەسىرتكى اينالىمىنا قاتىستى 11 قىلمىستىق ءىس قوزعالدى. جاستار اراسىندا بۇل باعىتتا دارىستەر وتكىزىلىپ, ناسيحاتتاۋ جۇمىسى جۇرگىزىلەدى.
ەسىرتكىگە قارسى اكتسيا 2020 جىلدان بەرى جىل سايىن جۇرگىزىلىپ كەلەدى. «استانا جاستارى» جاستار رەسۋرستىق ورتالىعىنىڭ قىزمەتكەرى ولجاس حاميتوۆتىڭ سوزىنشە, قالاداعى بەس اۋدان بويىنشا بۇل اكتسيا جىل سوڭىنا دەيىن جالعاسادى. ال 15 جاسار ۆولونتەر زارينا سەرىكوۆا جاستار اراسىندا دەندەپ كەلە جاتقان ەسىرتكى اينالىمى قوعام دەرتىنە اينالعان دەيدى. سوندىقتان «استانا جاستارى» ەسىرتكى قىلمىسىنا قارسى بولۋعا شاقىرادى.
