ەسىل اۋدانىنداعى ارداگەرلەرگە ارنالعان «بەلسەندى ۇزاق ءومىر ءسۇرۋ ورتالىعىنا» كەلگەن سايىن تاماشا ىستەردىڭ كۋاسى بولىپ تۇرامىن. سونىڭ ءبىرى – جاقىندا وتكەن «ەسىل تولقىندارى» حالىق ارداگەرلەرى ءانسامبلىنىڭ كونتسەرتى.
انسامبل ورىنداۋىنداعى «قىز جىبەك» وپەراسىنان قويىلىمدى تاماشالاپ, ءبىر جاساپ قالدىق. بەينە كاسىبي ارتىستەردى كورگەندەي بولدىق. اجە بولا تۇرا جىبەك بولىپ, اتا بولسا دا شەگە, تولەگەن بولىپ ساحناعا شىققاندار ءتانتى ەتتى. ال بەكەجان رولىندەگى اقساقال شىققاندا, كادىمگى كىتاپتان وقىعان بەكەجاندى كورگەندەي بولدىق.
كونتسەرت باعدارلاماسىنىڭ ەكىنشى بولىمىندە قازاقستان سازگەرلەرى جانە حالىق كومپوزيتورلارىنىڭ شىعارمالارى ورىندالعان كەزدە زالداعى كورەرمەندەر قوسىلىپ, بىرگە شىرقاي جونەلدى. مۇنىڭ ءوزى كونتسەرت باعدارلاماسى مەن كورەرمەندەر كوڭىل كۇيىنىڭ ۇندەستىگى بولاتىن. ءانسامبلدىڭ جەتەكشىسى فانيدا نۇرباەۆاعا, قويۋشى رەجيسسەر قارلىعاش قۇسپانوۆاعا, كونتسەرتمەيستەر مەيرام ەلۋباەۆقا, جالپى انسامبل مۇشەلەرىنىڭ بارلىعىنا شىعارماشىلىق تابىس, زور دەنساۋلىق تىلەيمىن! كونتسەرتتى جاپقان ءاندى ورىنداعان سەرىك تولەپوۆ پەن قارلىعاش سەرىكوۆاعا زالداعى بارلىق كورەرمەن ورنىنان تۇرىپ قول سوعىپ, انگە قوسىلدى.
كۇلاش شۇرەنوۆا,
ارداگەر ۇستاز, قازاقستان رەسپۋبليكاسى
ءبىلىم بەرۋ ءىسىنىڭ ۇزدىگى
