«حالىق ۇنىنە قۇلاق اساتىن مەملەكەت» تۇجىرىمداماسى اياسىندا تۇرعىندارىمەن ءتيىمدى بايلانىس ورناتۋ ءۇشىن ەلوردانىڭ بارلىق اۋداندىق اكىمدىكتەرى «Open Space» فورماتىنداعى مەملەكەتتىك جانە كەڭەستىك قىزمەتتەر كەشەنىن كورسەتۋدى قاراستىراتىن قىزمەت كورسەتۋدىڭ سەرۆيستىك مودەلىنە كوشتى.
جۇمىس «ءبىر تەرەزە» قاعيداتى بويىنشا جۇزەگە اسىرىلادى.
جاڭا ستاندارتتارعا كوشكەن ساتتەن باستاپ اۋداندىق اكىمدىكتەرگە 91 مىڭنان استام ازامات جۇگىندى.
سارىارقا اۋدانىندا 45 مىڭنان استام ادام, الماتى اۋدانىندا – 21 مىڭ, ەسىل اۋدانىندا – 18 مىڭ, بايقوڭىر اۋدانىندا 7 مىڭ تۇرعىن وزدەرىنە قاجەتتى بارلىق قىزمەتتەردى كەدەرگىسىز الا الدى.
«Open Akimat» الاڭىندا ازاماتتارعا بىرقاتار مەملەكەتتىك قىزمەتتەر كورسەتىلەدى, سونداي-اق ەتسق راسىمدەۋ, نەكە قيۋعا ءوتىنىش بەرۋدەن باستاپ مەملەكەتتىك باعدارلامالار بويىنشا تۇرعىن ءۇي الۋعا دەيىنگى كەڭ اۋقىمدى ماسەلەلەر بويىنشا كەڭەستەر بەرىلەدى.
كورسەتىلەتىن قىزمەتتەر سپەكترى:
– ازاماتتىق حال اكتىلەرىن تىركەۋ;
– اتاۋلى الەۋمەتتىك كومەك الۋعا قۇجاتتاردى قابىلداۋ;
– بىرجولعى كومەك الۋ;
– ەتسق الۋ;
– تۇرعىن ءۇي باعدارلامالارى بويىنشا كەڭەس بەرۋ;
– تۇرعىن ءۇي جيناق شوتتارىن اشۋ;
– سپورتتىق رازريادتاردى الۋ;
– كولىك قۇرالدارىنا سالىق تولەۋ جانە باسقا دا مىندەتتى تولەمدەر;
– جۇمىسقا ورنالاستىرۋ جانە ت.ب.
وتىنىشتەردىڭ مونيتورينگى كورسەتكەندەي, اتالمىش قىزمەتتەردىڭ شامامەن 48%-ى ازاماتتىق حال اكتىلەرىن تىركەۋگە, 15%-ى اتاۋلى الەۋمەتتىك كومەك الۋعا, 30%-ى تۇرعىن ءۇي-كوممۋنالدىق شارۋاشىلىق ماسەلەلەرىنە تيەسىلى.
سونىمەن قاتار, اكىمدىكتەردىڭ فرونت-وفيستەرىندە تۇرعىندار سايلاۋدا داۋىس بەرۋ ءۇشىن سايلاۋشىلار تىزىمىندە جانە وزدەرىنىڭ سايلاۋ ۋچاسكەسىندە بار-جوعىن بىلە الادى.
اكىمدىكتەردىڭ فرونت-وفيستەرى كەلەسى مەكەنجايلار بويىنشا ورنالاسقان:
– سارىارقا اۋدانىنىڭ اكىمدىگى مەكەنجايى: سارىارقا داڭعىلى, 13.
– ەسىل اۋدانىنىڭ اكىمدىگى مەكەنجايى: قابانباي باتىر داڭعىلى, 33.
– الماتى اۋدانىنىڭ اكىمدىگى, تاۋەلسىزدىك داڭعىلى, 7.
– بايقوڭىر اۋدانىنىڭ اكىمدىگى مەكەنجايى: وتىرار كوشەسى, 5.
جۇمىس ۋاقىتى: جۇمىس كۇندەرى ساعات 8.30-دان 18.00-گە دەيىن.
