نۇر-سۇلتان قالاسىندا 11 ساۋىردەن باستاپ ۇيلەردى گازعا قوسۋ ءۇشىن بەرىلەتىن الەۋمەتتىك كومەك مولشەرى ۇلعايتىلدى. بۇل باستامانى ەلوردا اكىمى التاي كولگىنوۆ ۇسىندى
بۇرىن الەۋمەتتىك از قامتىلعان ساناتتارعا 90 اەك مولشەرىندە اقشالاي كومەك بولىنەتىن, بۇل – 260 مىڭ تەڭگەدەن استام. ەندى وسى الەۋمەتتىك كومەكتىڭ مولشەرى 130 اەك-كە دەيىن – 410 مىڭ تەڭگەدەن استام سوماعا ۇلعايتىلدى. الەۋمەتتىك كومەكتى ارتتىرۋ تۋرالى ۇسىنىستى قالالىق ءماسليحات قولدادى. الەۋمەتتىك كومەكتىڭ بۇل ءتۇرىن الۋعا ءوتىنىمدى egov.kz («ەلەكتروندىق وتىنىشتەر» – «ونلاين قىزمەتكە تاپسىرىس بەرۋ») پورتال ارقىلى قالدىرۋعا بولادى. «ۇستاۋ» باعانىندا تۇرعىن ءۇيدى گازداندىرۋعا الەۋمەتتىك كومەك, «الۋشى» باعانىندا – جۇمىسپەن قامتۋ جانە الەۋمەتتىك قورعاۋ باسقارماسى تاڭدالادى.
ەلوردادا جەكە سەكتوردى گازداندىرۋ جۇمىسى جالعاسۋدا. قازىرگى ۋاقىتتا الماتى جانە سارىارقا اۋداندارى تولىعىمەن گازداندىرىلدى. ول ءۇشىن قالادا 680 شاقىرىمنان استام گاز تاراتۋ جەلىلەرى سالىندى, جەلىلەر 9 ەلدى مەكەنگە جەتكىزىلدى. قالعان ەكى اۋدان بويىنشا گاز تاراتۋ جەلىلەرىن سالۋ جۇمىسى كەزەڭ-كەزەڭمەن جۇرگىزىلەتىن بولادى.
ەلوردانى گازداندىرۋ قالا ەكولوگياسىن ايتارلىقتاي جاقسارتۋعا اسەر ەتەدى. قازىرگى ۋاقىتتا 3 مىڭنان استام وتباسى گازعا كوشتى. بۇل قازىردىڭ وزىندە 40 مىڭنان اسا وتباسى ءوز ءۇيىن كومىرمەن جىلىتپايدى دەگەندى بىلدىرەدى. ال بۇل ورتاشا ەسەپپەن 40 مىڭ توننا كومىردى قۇرايدى. گازعا قوسىلعان ۇيلەردىڭ سانى كۇن سايىن ارتىپ كەلەدى. سونىمەن قاتار جەو-1 جانە جەو-2-دەگى بارلىق سۋ جىلىتۋ قازاندىعى گازعا اۋىستىرىلدى.
قالانى گازداندىرۋ مەملەكەت باسشىسىنىڭ تىكەلەي باقىلاۋىندا
