«جىلىتۋ ماۋسىمىنىڭ باستالۋىنا از ۋاقىت قالدى. ەلوردادا جىلىتۋ ماۋسىمى شامامەن 7 ايعا سوزىلاتىنىن ەسكەرسەك, گازداندىرۋ جۇمىسى قالا تۇرعىندارىنىڭ ءومىر ءسۇرۋىن ەداۋىر جاقسارتادى» دەپ جازدى قالا اكىمى التاي كولگىنوۆ Instagram پاراقشاسىندا.
«بيىلعى جىلىتۋ ماۋسىمىندا قالانىڭ تاعى جەتى ەلدى مەكەنىنىڭ گازعا قوسىلۋ مۇمكىندىگى بار. ولار: وڭتۇستىك-شىعىس, پرومىشلەننىي, كوكتال-1, اگروقالاشىق (2020 جىلى قوسىلماعان بولىك). سونداي-اق, «قازترانسگاز ايماق» اق كۇيگەنجار, ميچۋرين, ينتەرناتسيونالنىي ەلدى مەكەندەرىندە گازبەن جابدىقتاۋ جەلىلەرىنىڭ قۇرىلىسىن جۇرگىزۋدە. «قازاقاۋىل» (قاراوتكەل) شاعىن اۋدانى بويىنشا جوبالاۋ-سمەتالىق قۇجاتتاما ازىرلەنىپ جاتىر. وسىلايشا جۇيەلى نەگىزدە گاز تاراتۋ جەلىلەرىن سالۋ بويىنشا اۋقىمدى جۇمىستار جالعاسۋدا. بيىل تاعى 317 كم گاز تاراتۋ جەلىسىن سالامىز, ونىڭ 240 كم استامى سالىندى. وتكەن جىلىتۋ ماۋسىمىندا تەمىرجولشىلار, كوكتال-2, اگروقالاشىقتىڭ ءبىر بولىگىنىڭ تۇرعىندارى گازعا قوسىلۋ مۇمكىندىگىن الدى. 345 كم كۆارتالىشىلىك گازبەن جابدىقتاۋ جەلىلەرىن سالدىق. گازداندىرۋ پروتسەسى – ەلباسىنىڭ اۋقىمدى جوباسى. بۇل جوبا قالا ەكولوگياسىن جاقسارتۋعا, قالا تۇرعىندارىنىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى. سەبەبى ۇيلەردى كومىرمەن جىلىتۋدىڭ قاجەتى جوق, سونداي-اق قاۋىپسىزدىك ارتادى. بۇل ماسەلەنى مەملەكەت باسشىسى باقىلاۋىندا ۇستاپ وتىر» دەپ جازدى قالا اكىمى.
