ءارتۇرلى جەلىلەر مەن سايتتاردا «ۇيدە وتىرىپ اقشا تاپ!», «مەن قالاي ميلليونەر بولدىم» دەگەن سىندى جارنامالار قاپتاپ ءجۇر. وسى راس پا دەگەن سۇراق ويىڭىزعا كەلدى مە؟
وكىنىشكە قاراي, ينتەرنەت ارقىلى ميلليونەر بولۋ – وتە قيىن جانە تاۋەكەلشىل شەشىم. سەبەبى جوعارىدا ايتىلعان جارنامالار كوبىندە قۇمار ويىندارعا نەگىزدەلگەن اقشا تابۋ جولى. سونىمەن قاتار الاياقتارعا جولىعىپ قالۋ قاۋپى دە بار. جەڭىل پايدا جاقسىلىققا اكەلمەيتىنىن وسىندايدا ەسكەرگەن ءجون. سوندىقتان ميلليونەر بولعىڭىز كەلسە, ەڭبەك ەتىڭىز. بۇل جەردە عالامتوردىڭ بەرەر كومەگى از. دەگەنمەن قاراپايىم تالاپتار ءۇشىن عالامتور تابىس كوزى بولا الادى.
ينتەرنەتتە بيزنەس جاساۋدىڭ ەڭ تارالعان تۇرلەرى الەۋمەتتىك جەلىدەگى وقىرماندارعا نەگىزدەلگەن. جەلى قولدانۋشىلارىنىڭ دا ءوز پاراقشاسىن بارىنشا قىزىقتى ەتىپ ادام جيناۋعا دەگەن ۇمتىلىسىن وسىمەن تۇسىندىرۋگە بولادى. عالامتوردا فوللوۆەرلەردىڭ قۇدىرەتى ارقىلى بوس ۋاقىتتى كەلەسىدەي جولدارمەن تابىستى ەتە الاسىز.
جارناما. جەلىدەگى بەلسەندى اۋديتورياڭىزدى قالىپتاستىرعان سوڭ سىزگە جەكە ادامداردان باستاپ ءارتۇرلى كومپانيالارعا دەيىن جارناما تۋرالى ۇسىنىستار تۇسە باستايدى. ەگەر ءسىزدىڭ تانىمالدىعىڭىز ورتا دەڭگەيدە بولسا تاپسىرىستار دا سونداي بولماق. بۇنداي جارنامالاردىڭ باعاسى وقىرماندار سانىنا بايلانىستى نارىقتا كەم دەگەندە 1000 تەڭگەدەن باستالادى.
وعان قوسا, «يۋتۋب» جەلىسى ارقىلى تابىس تابۋ دا قازىر وتە تانىمال جانە سۇرانىسقا يە. الدىمەن تاقىرىپ تاڭداپ كانال اشاسىز. ودان ءارى ۆيدەوڭىزعا قوسىلاتىن جارنامانى قانشا كوپ ادام كورسە, سونشا قاراجاتىڭىز ەسەلەنە بەرەدى.
فرانشيزا. كەلەسى ءبىر ينتەرنەت كاسىپ ول – فرانشيزا. بۇل جەردە ءسىز باعاسى 5000 تەڭگە تۇراتىن سىلتەمە ساتىپ الاسىز. بىرىنشىدەن, وسى سىلتەمە ارقىلى ءوتىپ ءوز اككاۋنتىڭىزعا جازىلۋشىلار جيناپ, تانىمالدىلىعىن ارتتىراسىز. ينستاگرام جەلىسىندە 1 وقىرمان سانى 2-3 تەڭگەگە تەڭ كەلەدى. ال ۆكونتاكتە جەلىسىندە 1000 وقىرمانى بار توپتى 5000 تەڭگەگە دەيىن ساتا الاسىز. ەكىنشىدەن, ءبىر رەت ساتىپ العان فرانشيزا سىلتەمەسىن سول باعادا باسقا ادامدارعا سانسىز رەت ساتۋعا بولادى. ءسىزدىڭ سىلتەمەڭىز ارقىلى تىركەلگەن ءار ادامعا قوسالقى بونۋس الىپ وتىراسىز. كەيىن بۇل بونۋستار ءلۇپىل مەن جازىلۋشىلارعا ايىرباستالادى.
تاپسىرمالار ورىنداۋ. بۇل ءتاسىل وڭاي بولعانىمەن ايتارلىقتاي تابىستى ەمەس جانە الاياقتارعا تاپ بولىپ ۋاقىتىڭىزدى بوسقا جوعالتىپ الۋىڭىز دا مۇمكىن. سوندىقتان ەڭ دۇرىسى بۇل ءىستى باستاماس بۇرىن سەنىمدى سايتتاردى ىزدەپ تاپقان ءجون. تاپسىرما ورىنداۋ, ءارتۇرلى فايلداردى تاراتۋ, ءتۇرلى توپتار مەن ادامدارعا جازىلۋ ارقىلى سيپاتتالادى. ءار ورىندالعان تاپسىرماعا بونۋستار جينالادى, كەيىن بۇل بونۋستى قاراجاتقا اينالدىرا الاسىز.
ينتەرنەت-دۇكەن. ۇيدە وتىرىپ عالامتور ارقىلى اقشا تابۋدىڭ تاعى ءبىر جولى وسى. سول ارقىلى ۇيدەن شىقپاي-اق ساۋداڭىزدى جۇرگىزىپ وتىرۋعا بولادى. بۇل ساتىپ الۋشىلارعا دا وتە قولايلى بولعاندىقتان قازىرگى تاڭدا ايتارلىقتاي تانىمالدىلىققا يە.
گۇلنۇر بايدۋللاەۆا,
ل.گۋميلەۆ اتىنداعى
ەۋرازيا ۇلتتىق
ۋنيۆەرسيتەتىنىڭ ستۋدەنتى
