بۇگىن – قازاقتىڭ تۇڭعىش عارىشكەرى, حالىق قاھارمانى توقتار اۋباكىروۆتىڭ بايقوڭىردان عارىشقا ۇشقان كۇنى. وسىدان تۋرا ون جەتى جىل بۇرىن, 1991 جىلدىڭ 2 قازانىندا توقتار اعامىز «سويۋز ت-13» عارىش كەمەسىمەن بايقوڭىردان عارىشقا كوتەرىلگەن ەدى.
سوعان وراي, «استانا اقشامى» گازەتىنىڭ اتىنان ءبىزدىڭ تىلشىلەرىمىز عارىشكەردى قۇتتىقتاپ بارىپ, شاعىن مەرەكەلىك كەشتىڭ كۋاسى بولىپ قايتتى.
باتىردى ۇزەڭگىلەس دوستارى, تۋىستارى قۇتتىقتاپ كەلگەن ەكەن.
اق تىلەكتەر لەگى اقتارىلىپ جاتقاندا: «توقتار اعامىز 1991 جىلى تاۋەلسىزدىك الماي تۇرىپ, عارىشقا ۇشىپ, قازاقتىڭ باعىن جاقتى. 2 قازان كۇنى عارىشقا بارىپ, ءبىر اپتا ءجۇرىپ, بىزگە اللادان تاۋەلسىزدىك سۇراپ الىپ كەلدى. ءسويتىپ, 25 قازاندا تاۋەلسىزدىك دەكلاراتسياسى قابىلداندى», – دەدى بەلگىلى كاسىپكەر مارات نابيەۆ ءازىل-شىنىن ارالاستىرىپ.
ءبىزدىڭ گازەتىمىزدىڭ تىلشىلەرى عارىشكەرگە ەۋرازيا ديزاينەرلەر وداعىنىڭ مۇشەسى, ەتنوديزاينەر, «hazifa» برەندىنىڭ نەگىزىن قالاۋشى قازيپا قاليقىزى ءوز قولىمەن دايىنداپ ۇسىنعان سالەمدەمەسىن تابىستادى.
