استانا قالاسىنىڭ اكىمى جەڭىس قاسىمبەك حالىقارالىق دارەجەدەگى گروسسمەيستەر دينارا سادۋاقاسوۆانى قابىلدادى.
اكىم الماتىدا وتكەن الەم چەمپيوناتىندا جىلدام شاحمات بويىنشا كۇمىس جۇلدە العان دينارا سادۋاقاسوۆانى جارقىن جەڭىسىمەن قۇتتىقتاپ, ەل نامىسىن الداعى ۋاقىتتا دا لايىقتى دەڭگەيدە قورعايتىنىنا سەنىم ءبىلدىردى.
كەزدەسۋ بارىسىندا مەكتەپتە «شاحمات» ءپانى فاكۋلتاتيۆ رەتىندە وقىتۋ جانە شاحمات قوزعالىسىن جان-جاقتى دامىتۋدىڭ ماڭىزى ايتىلدى.
دينارا سادۋاقاسوۆا استانا قالاسىنىڭ اكىمىنە قولداۋ كورسەتكەنى ءۇشىن العىسىن ايتىپ, سپورتتاعى مانسابىنا قاتىستى الداعى جوسپارىمەن ءبولىستى.
جاسوسپىرىمدەر جانە جاستار اراسىندا وتكەن الەم چەمپيوناتىندا ءتورت رەت ۇتقان ول 16 جاسىندا قازاقستان ايەلدەرى اراسىندا شىققان ەڭ جاس گروسسمەيستەر اتاندى. قازىر استانا شاحمات فەدەراتسياسىنىڭ قۇرمەتتى پرەزيدەنتى.
ەسكە سالا كەتەيىك, بيىل كوكتەمدە استانا قالاسىندا شاحماتتان الەم چەمپيوناتى وتەدى. بايراقتى سپورتتىق ءىس-شارادا وتانداس شاحماتشىلار تابىستى ونەر كورسەتۋى ماڭىزدى ەكەنى انىق.
