قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا, Covid-19 اسيمپتوماتيكالىق فورماسى بار جانە اۋرۋى جەڭىل ءوتىپ جاتقان پاتسيەنتتەردى, سونداي-اق ەمحانالاردىڭ پروۆيزورلىق بولىمشەلەرىنىڭ ماماندارىمەن بايلانىستا بولعان ادامداردى قاشىقتان ەمدەۋ جالعاساتىن بولادى.
«ينفەكتسيالىق جانە پروۆيزورلىق ستاتسيونارلارعا جاتقىزۋدى قاجەت ەتەتىن پاتسيەنتتەر اعىنىن ءبولۋ ماقساتىندا قالالىق جەدەل مەديتسينالىق جاردەم ستانتسياسىنىڭ بازاسىندا احۋالدىق ورتالىق ۇيىمداستىرىلدى. چات-بوت ارقىلى 103 قوڭىراۋدى وڭدەۋ بويىنشا جۇمىس جالعاسۋدا. قاجەت بولعان جاعدايدا شاقىرۋلارعا قىزمەت كورسەتۋ ءۇشىن جەدەل مەديتسينالىق جاردەم بريگادالارىنىڭ سانىن ۇلعايتۋ جوسپارلانۋدا: مساك ۇيىمدارىندا – 70 بريگاداعا دەيىن, جمكس دەڭگەيىندە – 100 بريگاداعا دەيىن, بارلىعى – 170 بريگادا» دەپ ءتۇسىندىردى تيمۋر مۇراتوۆ.
