[wppa type=»slideonly» album=»15″ size=»570″][/wppa]
كەشە تاۋەلسىزدىك سارايىندا ەلباسى نۇرسۇلتان نازارباەۆتىڭ قاتىسۋىمەن ەل ومىرىندەگى ەلەۋلى وقيعا – يندۋستريالاندىرۋ كۇنى ءوتتى. وسىعان وراي, ۇدەمەلى يندۋستريالىق-يننوۆاتسيالىق دامىتۋ باعدارلاماسى اياسىندا بيىل پايدالانۋعا بەرىلگەن ينۆەستيتسيالىق جوبالاردىڭ اشىلۋىنا ارنالعان جالپىۇلتتىق تەلەكوپىر ۇيىمداستىرىلىپ, «پارىز» جانە «التىن ساپا» سىيلىقتارىنىڭ لاۋرەاتتارى ماراپاتتالدى.
سەرپىندى جوبالار ىسكە قوسىلدى
ەلىمىزدە يندۋستريالاندىرۋ كارتاسى بويىنشا كوپتەگەن ءىرى جوبالار قولعا الىندى. يندۋستريالاندىرۋ باعدارلاماسىنا قاتىسقان كاسىپورىندار بۇگىنگە دەيىن 2 تريلليون 500 ميلليارد تەڭگەنىڭ ءونىمىن وندىرگەن. ال, تاۋارىن ەكسپورتقا شىعارعان الپىستان اسا كاسىپورىن شەتەلدىك نارىققا 126 ميلليارد تەڭگەنىڭ ءونىمىن شىعارىپتى. سونداي-اق, 50 مىڭعا جۋىق ادام تۇراقتى جۇمىسقا ورنالاسقان ەكەن.
يندۋستريالاندىرۋ كارتاسىنىڭ بيىلعى جەتىستىكتەرىن پاش ەتكەن تەلەكوپىردى ماڭعىستاۋ وبلىسى باستادى. مۇنداعى اقتاۋ تەڭىز پورتىنداعى قۇرعاق جۇك تاسىمالداۋ كومپانياسى فلوتىنىڭ العاشقى ەكى كەمەسىن تەڭىزگە ءتۇسىردى. ەلباسى سۋ كولىكتەرىنە «تۇركىستان» جانە «بەكەت اتا» دەگەن اتاۋ بەردى. بۇدان كەيىن مەملەكەت باسشىسى قازىرگى كەزدە جۇمىس ىستەپ جاتقان باسقا دا كاسىپورىنداردىڭ جۇمىسىمەن تانىسىپ, ون جاڭا جوبانى ىسكە قوسۋعا رۇقسات بەردى. اتاپ ايتقاندا, باتىس ەۋروپا-باتىس قىتاي اۆتوماگيسترالىنىڭ ءبىر بولىگى بولىپ تابىلاتىن شىمكەنت-تۇركىستان تاس جولى, تۇركىستان قالاسىن گازبەن قامتاماسىز ەتۋ جوباسى, الماتى وبلىسىنداعى قاپشاعاي كۇن ەلەكتر ستانساسى جانە جاركەنت كراحمال-سىرنە زاۋىتى, قاراعاندى وبلىسىنداعى تەمىر-بەتون بۇيىمدارى زاۋىتى, قوستاناي قالاسىنداعى بولات يلەۋ زاۋىتى, «حيمفارم» اق-نىڭ ءدارى-دارمەكتەر وندىرەتىن جاڭا ءوندىرىسى, پاۆلودار وبلىسىنداعى كۇيدىرىلگەن انودتاردى شىعارۋ زاۋىتى, ماڭعىستاۋ وبلىسىنداعى جول بيتۋمىن ءوندىرۋ زاۋىتى («Caspi Bitum» جشس-ءى), شىعىس قازاقستان وبلىسىنداعى فوتوەلەكتر پلاستينالارىن شىعارۋ زاۋىتىنىڭ («Kazakhstan Solar Silicon» جشس-ءى) تۇساۋىن كەستى. ءدال وسى كۇنى «سارىارقا اۆتوپروم» جشس قۇراستىرعان العاشقى وتاندىق «تويوتو-نوماد» اۆتوكولىگىن تاماشالاۋدىڭ ورايى كەلدى. ەلباسى بۇل قازاقستاندىق كولىكتىڭ ساپاسى شەتەلدىكتەردەن ءبىر مىسقال دا كەم تۇسپەيتىنىن, باعاسى الدەقايدا ارزان ەكەندىگىن ايتا كەلىپ, ءار ازامات وزگەنىكىنەن گورى وتاندىق ءونىمدى ساتىپ الۋعا ىنتالى بولۋ كەرەكتىگىن ەسكەرتتى.
ەڭ باستىسى – باسەكەگە قابىلەتتى ءونىم ءوندىرۋ
يندۋستريالاندىرۋ باعدارلاماسى شەڭبەرىندە بيىل ىسكە قوسىلعان جوبالاردىڭ سالتاناتتى تۇساۋكەسەرىنەن كەيىن ەلباسى ءسوز سويلەپ, باعدارلامانى جۇزەگە اسىرۋ بارىسىندا اتقارىلعان شارۋالارعا توقتالدى.
پرەزيدەنتتىڭ ايتۋىنشا, ەلىمىزدە يندۋستريالاندىرۋدى قامتاماسىز ەتۋدىڭ زاڭنامالىق بازاسى قالىپتاستى. جاڭا وندىرىستەر قانات قاقتى. يندۋستريالدىق-يننوۆاتسيالىق دامۋدىڭ ءتورت جىلىندا 500-دەن اسا جاڭا كاسىپورىن اشىلدى. بيزنەس سالاسىنداعى جەكە باستامالاردى مەملەكەتتىك قولداۋدىڭ جۇزدەگەن تەتىكتەرى قاراستىرىلدى. جالپى العاندا, يندۋستريالاندىرۋ كارتاسى بويىنشا بۇگىندە 900 جوبا جۇزەگە اسىرىلۋدا.
– بۇل – بارشا قازاقستاندىقتاردىڭ ورتاق جەڭىسى. مۇنىڭ بارلىعى ەكونوميكامىزدىڭ باسەكەگە قابىلەتتىلىگىن ارتتىرۋعا, قازاقستاندىقتاردى لايىقتى جۇمىسپەن قامتاماسىز ەتۋگە, ومىر ساپاسى مەن تۇرمىستى جاقسارتۋعا باعىتتالىپ وتىر. جۇزەگە اسىپ جاتقان وسى جوبالاردىڭ ارقاسىندا 2013 جىلدىڭ قورىتىندىسى بويىنشا ەكونوميكالىق ءوسىم التى پايىز دەڭگەيىندە كۇتىلىپ وتىر. الەمنىڭ بارلىق مەملەكەتتەرى جاپا شەگىپ وتىرعان جاھاندىق داعدارىس جاعدايىندا بۇل اسا ماڭىزدى كورسەتكىش, – دەپ اتاپ ءوتتى ەلباسى.
ەندى ەلىمىز ءوندىرىستى دامىتۋدىڭ 2020 جىلعا دەيىنگى ەكىنشى بەسجىلدىعىن جۇزەگە اسىرۋعا كىرىسەدى. بۇل كەزەڭنىڭ ماقسات-مۇددەسى, وعان ەنگىزىلەتىن ءار جوبا مۇقيات زەردەلەنۋى كەرەكتىگىن ەسكەرتكەن مەملەكەت باسشىسى قولعا العان ءار ءىس ساپا مەن تيىمدىلىككە نەگىزدەلگەندە عانا جەتىستىكتەرگە جەتەلەيتىنىنە ەكپىن ءتۇسىردى. وسى ورايدا يندۋستريالاندىرۋدىڭ العاشقى بەسجىلدىعىنىڭ تاجىريبەسى دە ەسكەرىلىپ, ءاربىر وتاندىق ءونىمنىڭ باسەكەگە قابىلەتتىلىگى باستى مىندەت بولۋى ءتيىس.
نۇرسۇلتان ءابىشۇلى كاسىپكەرلىكتى دامىتۋعا مەملەكەت ەرەكشە مۇددەلىلىك تانىتىپ وتىرعانىن, سوندىقتان بيزنەستى وركەندەتۋگە قولبايلاۋ بولاتىن زاڭسىز تەكسەرۋلەرگە تىيىم سالىنۋ قاجەتتىگىن ەسكە سالدى. ءتىپتى, ەگەر كاسىپكەرلىك سۋبەكتىلەرىن ءجون-جوسىقسىز تەكسەرۋ تىيىلماسا, بىرقاتار تەكسەرۋشى ورگانداردى تاراتۋ تۋرالى شەشىم قابىلدانۋى مۇمكىن ەكەندىگىن قاتاڭ ەسكەرتتى.
ماڭدايالدى كاسىپورىندار ماراپاتتالدى
ەلباسى سالتاناتتى جيىن بارىسىندا «پارىز-2013» كاسىپكەرلىكتىڭ الەۋمەتتىك جاۋاپكەرشىلىگى بايقاۋىنىڭ باس جۇلدەسىن بيىلعى جەڭىمپاز – «ءوسكەمەن تيتان-ماگني كومبيناتى» اق ديرەكتورلار كەڭەسىنىڭ توراعاسى سيلۆان گەللەرگە تابىستادى. سونىمەن قاتار, پرەزيدەنتتىڭ قولىنان «2013 جىلدىڭ وندiرiستەگi ۇزدiك يننوۆاتسيالار» اتتى قر پرەزيدەنتiنiڭ ارنايى سىيلىعىن اقتوبە وبلىسىنداعى «قازحروم» اق» ترانسۇلتتىق كومپانياسى جانە «2013 جىلدىڭ ۇزدiك يندۋستريالدىق جوباسىندا» ۇزدىك تانىلعان قوستاناي وبلىسىنداعى «سارىارقا اۆتوونەركاسiبi» جشس الدى.
پرەزيدەنتتىڭ «التىن ساپا» كونكۋرسىنىڭ «وندiرىستiك بەيىندەگى ۇزدiك كاسiپورىن» اتالىمىندا iرi كاسiپورىن سۋبەكتiلەرىنىڭ ىشىندە پاۆلودارلىق «نەفتەحيم LTD» جشس, سونداي-اق «مەمبراندىق تەحنولوگيا» جشس جەڭiمپاز اتاندى.
ال, «حالىق تۇتىناتىن تاۋار شىعاراتىن ۇزدiك كاسiپورىن» اتالىمىن وڭتۇستiك قازاقستاندىق «حيمفارم» جشس جانە باتىس قازاقستاننىڭ «كۋبلەي» جشس ەنشىلەدى. «قىزمەت كورسەتەتiن ۇزدiك كاسiپورىن» اتالىمىندا استانا قالاسىنداعى «قازترانسگازايماق» پەن رەسپۋبليكالىق عىلىمي نەيروحيرۋرگيا ورتالىعى جەڭىمپاز اتاندى.
بيزنەستىڭ الەۋمەتتىك جاۋاپكەرشىلىگىن ارتتىرۋدى كوزدەيتىن «پارىز» سىيلىعىن ءىرى بيزنەس وكىلدەرى اراسىندا سوكولوۆ-سارىباي كەن-بايىتۋ وندىرىستىك بىرلەستىگى السا, ال, شاعىن جانە ورتا كاسىپكەرلىك نىساندارى ىشىندە ەلوردالىق «التىن قىران» جشس «جىلدىڭ ۇزدىك الەۋمەتتىك جوباسى» اتالىمىندا جەڭىمپاز بولدى. «ۇزدىك ۇجىمدىق كەلىسىمشارت» نوميناتسياسى بويىنشا ورالداعى «زەنيت» زاۋىتى مەن قوستانايلىق «قايرات» وندىرىستىك-كوممەرتسيالىق فيرماسى ۇزدىك دەپ تانىلدى.
«ۇزدىك الەۋمەتتىك جاۋاپكەرشىلىگى جوعارى كاسىپورىندار» بايگەسىندە استانا قالاسىنداعى KEGOK ەلەكتر جەلىلەرىن باسقارۋ كومپانياسى مەن «اتىراۋ اگروونىمدەرى» شارۋا قوجالىعى توپ جاردى. «ەكولوگياعا قوسقان ۇلەسى ءۇشىن» اتالىمىندا «سەۆكازەنەرگو» كومپانياسى مەن قوستانايلىق «شارۋا» جشس جەڭىسكە جەتتى.
قىمبات توقتامۇرات
