ۇلتتىق عىلىمي مەديتسينالىق ورتالىقتا عىلىمنىڭ وزىق جەتىستىكتەرىن پايدالانا وتىرىپ ەمدەۋ تيىمدىلىگى مەن ساپاسىن ءاردايىم ارتتىرىپ وتىرادى. ونىڭ دالەلى رەتىندە ۇنەمى وتكىزىلىپ وتىراتىن ءتۇرلى شەبەرلىك ساباقتارى مەن عىلىمي-تاجىريبەلىك سەمينارلاردى ايتۋعا بولادى.
ورتالىقتا ميكروتولقىندى ابلياتسيانى (متا) پايدالانۋدىڭ يننوۆاتسيالىق ادىسىنە ۇستەمدىك بەرىلەدى. بۇل – ىسىك تىنىنە اسەر ەتۋدىڭ زاماناۋي ادىستەرىنىڭ ءبىرى.
ميكروتولقىندى ابلياتسيانىڭ (متا) ماقساتى – وكپەنىڭ قاتەرلى ىسىگىن ۇزاق ۋاقىتتى رەتسيديۆسىز ءومىر ءسۇرۋ مۇمكىندىگىمەن تولىق نەكروزداۋ. بۇل – جوعارى قۋاتتى ميكروتولقىندى پەشتەردى قولدانۋ ارقىلى ىسىك ءتىنىن جويۋ ءادىسى. ونىڭ بارىسىندا ىسىك جاسۋشالارى جوعارى تەمپەراتۋراعا دەيىن قىزادى جانە ناتيجەسىندە ولەدى.
قازىرگى ۋاقىتتا بۇل ءادىس ءتيىمدى جانە قاتەرلى ىسىك اۋرۋىن ەمدەۋدە دامىعان ەلدەردە كەڭىنەن قولدانىلادى. بۇل ءادىس گەنەراتوردىڭ قۋاتىن ەداۋىر تومەندەتۋگە مۇمكىندىك بەرەدى, تەمپەراتۋرانىڭ جوعارىلاۋىنا قول جەتكىزۋگە جانە ءار ينفەكتسيانىڭ اسەر ەتۋ ۋاقىتىن ازايتۋعا مۇمكىندىك بەرەدى. وپەراتسيالىق بولمەدە پايدالانۋ ىڭعايلىلىعى سەسسيا ۋاقىتىن قىسقارتادى, وشاقتاردىڭ كوپ مولشەرى – بۇل MتA ءادىسىنىڭ تارتىمدى ەرەكشەلىكتەرى.
ميكروتولقىندى ەنەرگيانىڭ ءوزى پاتسيەنت ءۇشىن قاۋىپسىز, سەبەبى ول تىندەرگە ءسىڭىپ كەتەدى جانە ادام اعزاسىنان وتپەيدى, بۇل كەز كەلگەن زاقىمدانۋ قاۋپىن جويادى – بالاما كۇيىك, پاتسيەنت ءتىلىمىنىڭ كۇيىپ قالۋى, سونىمەن قاتار جوعارى كۇشتەردىڭ جۇرەكتىڭ وتكىزگىش, سورۋ فۋنكتسياسىنا اسەرى. سوندىقتان بۇل تەحنولوگيا ەڭ قاۋىپسىز بولىپ تابىلادى, كارديوديفيبريللياتورلارمەن, بۋىنداردىڭ مەتالل يمپلانتاتتارىمەن, لور جانە ت. ب. پاتسيەنتتەردە مانيپۋلياتسيالار جاساۋعا مۇمكىندىك بەرەدى.
وسى ءادىستى تولىقتاي مەڭگەرۋ ماقساتىندا وسى ورتالىقتا قازاقستاندا عانا ەمەس, سونىمەن بىرگە ورتالىق ازيادا العاش رەت «قازاقستان ينتەرۆەنتسيالىق ونكوراديولوگتارىنىڭ قوعامى» رقب قولداۋىمەن باۋىردىڭ, بۇيرەكتىڭ, وكپەنىڭ قاتەرلى ىسىكتەرىن ەمدەۋگە ارنالعان ترەنينگ, بىرەگەي عىلىمي-پراكتيكالىق سەمينار وتەدى. سەمينارعا ەۋروپالىق ۇزدىك ونكولوگتاردىڭ وندىعىنا كىرەتىن ليتۆاداعى ۆيلنيۋس قالاسىنىڭ ۆيلنيۋس ونكولوگيالىق ورتالىعىنىڭ ينتەرۆەنتسيالىق ونكولوگيا ءبولىمىنىڭ باستىعى, PhD, م. ع. د. مانتاس تراكيماس قاتىسادى.
باعدارلاما باۋىر, وكپە جانە بۇيرەكتىڭ قاتەرلى ىسىگىن ەمدەۋدى متا پايدالانۋ تۋرالى تەوريالىق جانە تاجىريبەلىك ترەنينگتەردى قامتيدى. دارىستەردى ايماقتىق كوپبەيىندى ورتالىقتارعا ۇلتتىق تەلەمەديتسينالىق جەلىلەر بويىنشا تاراتۋ جوسپارلانۋدا.
نياز مالاەۆ,
دارىگەر
