ەلوردادا №1 كوپبەيىندى قالالىق اۋرۋحاناداعى ينسۋلت ورتالىعى ينسۋلتتەن كەيىنگى اعزا قىزمەتىن قالپىنا كەلتىرۋ جانە قايتالاما ءينسۋلتتىڭ الدىن الۋ ماقساتىندا مەديتسينالىق كومەك كورسەتىپ كەلەدى. بىلتىر اتالعان ورتالىقتا 1000-عا جۋىق ناۋقاسقا مەديتسينالىق كومەك بەرىلگەن.
قازىر ينسۋلت – حالىق اراسىنداعى ءولىم-ءجىتىمنىڭ ەكىنشى سەبەبى. ودان بولەك, بۇل دەرت – مۇگەدەكتىككە اكەلەتىن اۋرۋلار اراسىندا ءبىرىنشى ورىندا. ينسۋلتكە شالدىعاتىن ادامداردىڭ شامامەن 80%-ى مۇمكىندىگى شەكتەۋلى بولادى, ولاردىڭ شامامەن 25%-ى ءومىرىنىڭ سوڭىنا دەيىن تۇراقتى كۇتىمدى قاجەت ەتەدى. ينسۋلتتەن كەيىنگى وڭالتۋ مەديتسينادا كەڭ تارالعان. بۇل سالادا جۇمىس ىستەيتىن دارىگەرلەردىڭ باسىم بولىگىنىڭ وسى ماماندىقتى تاڭداۋىنا ەڭ اۋىر اۋرۋلار, مي مەن جۇلىننان بەرىلەتىن ءتۇرلى اۋرۋلاردى انىقتاۋ, ەمدەۋ, ناۋقاستاردى باقىلاۋ سەبەپ بولعان. مەديتسينالىق وڭالتۋ ورتالىعىندا ءتيىمدى ەمدەۋ ءۇشىن قاجەتتى زاماناۋي جابدىقتار جەتكىلىكتى. مۇندا كاسىبي فيزيوتەراپەۆتەر, رەابيليتولوگتار, اكۋپۋنكتۋريست, حيروپراكتور, كاسىپتىك تەراپەۆت, لوگوپەد, بىلىكتى مەدبيكەلەر ءوز قىزمەتتەرىن ۇسىنادى. مەديتسينالىق وڭالتۋ جانە قالپىنا كەلتىرۋ ورتالىعى تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە تۇرعىندارعا تەگىن, سونداي-اق اقىلى نەگىزدە قىزمەت كورسەتەدى. 2012 جىلدىڭ 1 قاراشاسىنان باستاپ اشىلعان ينسۋلت ورتالىعىندا ەڭ جاس دارىگەر 4 ايدان استام جۇمىس ىستەسە, سونىمەن قاتار 11 جىلدان استام ەڭبەك اتقارىپ كەلە جاتقان دارىگەرلەر بار.
