استانا قالاسىنىڭ كوممۋنيكاتسيالار قىزمەتىندەگى بريفينگ ەلوردانىڭ ينۆەستيتسيالىق تارتىمدىلىعىنا ارنالدى. سپيكەر رەتىندە استانا قالاسى اكىمىنىڭ ورىنباسارى ەرلان بەكمۇرزاەۆ قاتىستى.
استانانى كاسىپكەرلەر قالاسى دەۋگە نەگىز بار. دالەل مەن دەرەك كەلتىرەتىن بولساق, ەلوردانىڭ ەكونوميكاداعى كاسىپكەرلىكتىڭ ۇلەسى 72 پايىزدى قۇرايدى. بۇل دامىعان ەلدەردىڭ كورسەتكىشىمەن تەڭ. قازاقستان بويىنشا بۇل كورسەتكىش 30 پايىزدى قۇرايدى.
كاسىپكەرلىكتىڭ دامۋىمەن قاتار ونىركاسىپكە يننوۆاتسيالىق جوبالار كەلىپ, ونىمدىلىك ارتىپ كەلەدى. قازىر ەلوردادا ءىرى جوبالاردى جۇزەگە اسىرۋدىڭ تەتىگى قالىپتاستى.
– استانا قالاسىندا ەكى ارنايى ەكونوميكالىق ايماق بار. ءبىرىنشىسى – «استانا – جاڭا قالا». ەكىنشىسى – «استانا-تەحنوپوليس».
بىرىنشىسىندە 300 قاتىسۋشى بولسا, ەكىنشىسىندە 13 كاسىپكەر تىركەلدى.
«استانا – جاڭا قالا» ارنايى ەكونوميكالىق ايماعىنىڭ №1 يندۋستريالدى پارك اۋماعىندا 98 جوبا جۇزەگە اسىرىلۋدا. ونىڭ 49-ى ىسكە قوسىلسا (ينۆەستيتسيا قۇنى – 166,3 ميلليارد تەڭگە), 49-ى جۇزەگە اسىرىلۋدا (ينۆەستيتسيا قۇنى – 90,3 ميلليارد تەڭگە).
2011 جىلدان باستاپ №1 يندۋستريالدى پارك قاتىسۋشىلارى 5,8 مىڭنان استام تۇراقتى جۇمىس ورنىن قۇردى, ونەركاسىپتىك كاسىپورىندارعا 256,6 ميلليارد تەڭگەدەن استام ينۆەستيتسيا سالىندى. وسى ۋاقىتقا دەيىن 4,52 تريلليون تەڭگەنىڭ (9 ايدا 743,8 ميلليارد تەڭگە.) ءونىمى ءوندىرىلدى جانە 93,8 ميلليارد تەڭگەنىڭ ءونىمى ەكسپورتتالدى, – دەدى قالا اكىمىنىڭ ورىنباسارى.
سپيكەر ارنايى ەكونوميكالىق ايماقتاردا ماشينا جاساۋ, قۇرىلىس ماتەريال ءوندىرۋ, فارماتسەۆتيكا جانە جەڭىل ونەركاسىپ سالاسىنداعى جوبالاردى ەرەكشە اتادى. بۇل قاتاردا «تاۋ-كەن التىن» جشس, «لوكوموتيۆ قۇراستىرۋ زاۋىتى» اق, «ەلەكتروۆوز قۇراستىرۋ زاۋىتى» جشس, «PIK Astana Yutarla LTD» جشس, «ModeX Astana» جشس, «GLB» جشس سىندى ءىرى كاسىپورىنداردى ەرەكشەلەۋگە بولادى.
– جۇمىس ىستەپ تۇرعان جوبالار اراسىندا «KIA Bongo» شاعىن توننالىق جۇك كولىگىن شىعاراتىن زاۋىتتى اتاۋعا بولادى. قازىر تولىق تسيكلدى اۆتوموبيل زاۋىتىنىڭ جوباسى ازىرلەنۋدە. جالپى جىل اياعىنا دەيىن 24,5 ميلليارد تەڭگە قۇرايتىن 3 جوبانى ىسكە قوسۋ جوسپاردا بار. ونىڭ ەكەۋى شەتەل كومپانياسىنىڭ قاتىسۋىمەن جۇزەگە اسادى. بۇل باعىتتاعى جۇمىس تولىق ىسكە اسسا, 600-دەن استام جۇمىس ورنى قۇرىلادى, – دەدى ەرلان بەكمۇرزاەۆ.
