ەلوردادا ءۇي جانۋارلارىن چيپتەۋ ءجۇرىپ جاتىر. ول 1 قىركۇيەككە دەيىن تەگىن بولادى.
«جانۋارلارعا جاۋاپكەرشىلىكپەن قاراۋ تۋرالى» زاڭعا سايكەس, بيىلدان باستاپ مىسىقتار مەن يتتەرگە چيپ تاعۋ جانە ولاردى ارنايى ەسەپكە قويۋ مىندەتتى بولادى. سوندىقتان قالاداعى بارلىق يتتەر مەن مىسىقتار ەندى «استانا ۆەتسەرۆيسىندە» TANBA جانۋارلاردى ەسەپكە الۋدىڭ اقپاراتتىق جۇيەسىندە مىندەتتى تۇردە تىركەۋدەن ءوتۋى ءتيىس. يتتەردى تىركەۋ 2022 جىلدىڭ 1 قاراشاسىنان باستالسا, مىسىقتار وتكەن جىلدىڭ 1 جەلتوقسانىنان باستاپ چيپتەلە باستادى.
2023 جىلدىڭ 1 قىركۇيەگىنە دەيىن ءۇي جانۋارلارىن چيپتەۋ جانە ولاردىڭ دەرەكتەرىن استاناداعى بىرىڭعاي بازاعا ەنگىزۋ تەگىن جۇرگىزىلەدى. ال وسى كۇننەن كەيىن قىزمەت اقىلى بولادى, ونى ۆەتەرينارلىق كلينيكالار كورسەتەدى.
قازىر ءۇي جانۋارلارى اقىسىز نەگىزدە كەلەسى مەكەنجاي بويىنشا چيپتەلەدى: سارىارقا اۋدانى, س.مۇقانوۆ كوشەسى, عيمارات, 2/1 (ارنايى حقكو), تەل. +7 (747) 623-53-57,
+7 (747) 672-85-27.
جۇمىس ۋاقىتى: دۇيسەنبىدەن جۇماعا دەيىن ساعات 9:00-دەن باستاپ 18:00-گە دەيىن (تۇسكى اس 13:00-14:00), سەنبى كۇندەرى ساعات 9:00-دەن 13:00-گە دەيىن جۇرگىزىلەدى.
2023 جىلدىڭ 1 قىركۇيەگىنەن باستاپ يتتەر مەن مىسىقتاردىڭ يەلەرى ءۇي جانۋارلارىن تىركەمەگەن جاعدايدا ولارعا 10 اەك مولشەرىندە ايىپپۇل سالىنادى.
