استانا قالاسىنىڭ كوممۋنيكاتسيالار قىزمەتىندە كاسىپ جۇرگىزۋشى سۋبەكتىلەردىڭ ءورت قاۋىپسىزدىگى تۋرالى استانا قالاسى تجد مەملەكەتتىك ءورت باقىلاۋ باسقارماسىنىڭ باستىعى مۋرزاگەلديەۆ ماديار ايدوسۇلىنىڭ قاتىسۋىمەن بريفينگ ءوتتى, دەپ حابارلايدى astana-akshamy.kz
مەملەكەت باسشىسى 2020 جىلعى 1 قىركۇيەكتەگى جولداۋىندا مەملەكەتتىك ورگاندارعا «تازا پاراقتان رەتتەۋدى» ەنگىزۋدى تاپسىردى. قابىلدانعان زاڭ شەڭبەرىندە وبەكتيۆتى جانە سۋبەكتيۆتى ولشەمشارتتاردى قوسا العاندا, سالالىق تاۋەكەلدەر ماتريتساسى ازىرلەندى, بيزنەسكە قويىلاتىن 884 تالاپتاردىڭ ساپالى ءماسسيۆى جانە جاڭا رەتتەۋشى ساياساتتىڭ بازالىق تالاپتارىنا سايكەس كەلەتىن تەكسەرۋ پاراقتارى, ونىڭ ىشىندە وبەكتىلەردى پروفيلاكتيكالىق باقىلاۋ تىزىمدەرىنە ىرىكتەۋ ءۇشىن قولدانىلاتىن اقپارات كوزدەرى قالىپتاستىرىلدى.
ماسەلەن, 2023 جىلدىڭ باسىنان باستاپ تەكسەرۋلەردى جۇرگىزۋدىڭ ەرەكشە ءتارتىبى وبەكتىگە اكىمشىلىك ىقپالىنسىز بارۋمەن پروفيلاكتيكالىق باقىلاۋعا كوشتى. جاڭا مەملەكەتتىك ءورت باقىلاۋىنىڭ ناتيجەلەرى جوسپاردان تىس تەكسەرۋلەردىڭ ناتيجەلەرىن قوسپاعاندا, جەكە جانە زاڭدى تۇلعالاردىڭ اكىمشىلىك جاۋاپكەرشىلىگىن بولدىرمايدى.
بۇدان باسقا, 2023 جىلدان باستاپ اشىق رەجيمدە كاسىپكەرلىك سالاسىنداعى مىندەتتى تالاپتار ءتىزىلىمى جۇمىس ىستەيدى. ول مەملەكەتتىك ورگانداردى رەتتەۋشى اكتىلەردىڭ جاڭا رەتتەۋشى ساياساتقا سايكەستىگى تۇرعىسىنان ولارعا تۇراقتى تالداۋ جۇرگىزۋگە مىندەتتەيدى. اعىمداعى جىلدىڭ ناۋرىز ايىنان باستاپ مەملەكەتتىك ينسپەكتورلار وبەكتىنىڭ جۇمىسىن توقتاتا تۇرۋ سەكىلدى جەدەل دەن قويۋ شاراسىن قابىلداۋعا مىندەتتى بولادى.
جوعارىدا ايتىلعانداردى ەسكەرە وتىرىپ, استانا قالاسىنىڭ توتەنشە جاعدايلار دەپارتامەنتى 2023 جىلى تاۋەكەل دارەجەسى جوعارى 866 نىساندى تەكسەرۋدى جوسپارلاپ, ونىڭ ىشىندە 604 نىسان قامتىلدى. بۇل 69,7,% قۇرايدى.
2024 جىلدىڭ 1 جارتىجىلدىعىنا 391 نىساندى تەكسەرۋ جوسپارلانعان.
تاۋەكەل دارەجەسى جوعارى وبەكتىلەردى پروفيلاكتيكالىق باقىلاۋ جۇرگىزۋدەن بوساتۋدىڭ ەڭ كوپ تاراعان سەبەپتەرى: شاعىن (ميكرو) كاسىپكەرلىك سۋبەكتىلەرىنە جاتقىزۋ, جاڭا رەتتەۋشى ساياساتقا سايكەس سۋبەكتيۆتى كريتەريلەر, ءورت قاۋىپسىزدىگى سالاسىنداعى ءاۋديتتىڭ وڭ قورىتىندىسىنىڭ بولۋى بولىپ تابىلادى. 2023 جىلدىڭ وتكەن كەزەڭىندە اۋماقتىق بولىمشەلەر جوسپاردان تىس 374 تەكسەرۋ جۇرگىزدى, ونىڭ ىشىندە نۇسقامانىڭ ورىندالۋىن باقىلاۋ بويىنشا 113. پروفيلاكتيكالىق باقىلاۋ ناتيجەلەرى بويىنشا ءورت قاۋىپسىزدىگى ەرەجەلەرىن 5976 بۇزۋشىلىق انىقتالدى.
ءورتتىڭ شىعۋ قاۋپىن ازايتۋ, حالىقتىڭ قاۋىپسىزدىگىن, ماتەريالدىق قۇرالداردىڭ ساقتالۋىن ارتتىرۋ, سونداي-اق ءورت قاۋىپسىزدىگى ءۇشىن جەكە جانە ۇجىمدىق جاۋاپكەرشىلىككە قوعامدىق پىكىر مەن پسيحولوگيالىق كوزقاراستاردى قالىپتاستىرۋ ماقساتىندا دەپارتامەنت اعىمداعى جىلى حالىق اراسىندا كەڭ اۋقىمدى ۇگىت-ناسيحات جۇمىستارىن جۇرگىزۋدە.
