بۇگىن استانا قالاسىنىڭ الماتى اۋداندىق ارداگەرلەر كەڭەسى وتكەن جىلعا ەسەپ بەرىپ, 2024 جىلعا جوسپارىن بەكىتتى, دەپ حابارلايدى astana-akshamy.kz.
جيىنعا استانا قالالىق ارداگەرلەر كەڭەسىنىڭ توراعاسى سانسىزباي ەسىلوۆ پەن الماتى اۋدانى اكىمىنىڭ ورىنباسارى نۇرمات ابدرايموۆ قاتىستى. كەڭەستىڭ 4 پلەنۋمىندا الدىمەن الماتى اۋدانى ارداگەرلەر كەڭەسىنىڭ توراعاسى مارات ءمۇستافيننىڭ وتكەن جىلعى جۇمىستار بويىنشا ەسەبى تىڭدالدى.
-قازىرگى تاڭدا ءبىزدىڭ اۋداندا 32406 زەينەتكەر تۇرادى, سونىڭ 8 مىڭنان استامى كەڭەسكە تىركەلگەن. ولار 66 باستاپقى ارداگەرلەر ۇيىمدارىنا بىرىككەن. سونىڭ ىشىندە 4 زەينەتكەر – ۇلى وتان سوعىسىنىڭ ارداگەرى, 257 ادام – تىل ەڭبەككەرى, 35 ادام – جالعىز تۇراتىن زەينەتكەرلەر. ءبىزدىڭ بۇل باعىتتاعى جۇمىسىمىز قوعامنىڭ قاربالاس تىرشىلىگىنە بەلسەنە ارالاسىپ, مەزگىل-مەزگىل جاستارمەن كەزدەسىپ, باسپا بەتتەرىندە ءوز وي-پىكىرلەرىمىزدى جازىپ, ومىرلىك پاراساتتى اقىل-كەڭەستەرىمىزدى بەرىپ, ونەگەلى ءومىر تالپىنىسىن ورتاعا سالۋ, – دەدى ءوز بايانداماسىندا مارات مۇستافين.
سونىمەن قاتار ول اۋداندىق ارداگەرلەر كەڭەسىندە الەۋمەتتىك-تۇرمىستىق ماسەلەلەر بويىنشا ۇنەمى قابىلداۋ جۇرگىزىلەتىنىن جەتكىزدى. بىلتىر ارداگەرلەر تاراپىنان 1000-نان استام وتىنىمدەر كەلىپ تۇسكەن. ولاردىڭ ءبىرازى ءتىس پروتەزدەۋ, ساناتوريا-كۋرورتتىق ەمدەلۋ, جەڭىلدىكپەن گازەتتەرگە جازىلۋ, كونتسەرتتەرگە تەگىن بيلەت الۋ جانە ازىق-تۇلىك پاكەتتەرىنە قاتىستى بولدى.
– ونەر دەسە ىشكەن اسىن جەرگە قوياتىن ەگدە جاستى ەڭسەرگەن اقساقالدار مەن اجەلەر توپتاسقان اۋدانىمىزداعى «ەلوردا» حالىقتىق حورى, (جەتەكشىسى دۇيسەنوۆا ءۇمىت الىبەكقىزى), «ارقا اۋەندەرى» حالىقتىق ءانسامبىلى (جەتەكشىسى جانۇزاقوۆا كەنجەتاي ەرعاليقىزى), «ادەم-اۋ» ءانسامبىلى (جەتەكشىسى تاعىباەۆ جالدىباي بايعاراۇلى), قالا مەكەمەلەرىندە, مەكتەپ ساحنالارىندا تامىلجىتا ءان سالىپ, قۇيقىلجىتا كۇي كۇمبىرلەتىپ حالىقىمىزدىڭ ونەرىن ناسيحاتتاۋدا. بىلتىرعى جىلى «ارقا اۋەندەرى» ءانسامبىلىنىڭ 10 جىلدىعىن, «ەلوردا» حالىقتىق حورىنىڭ 15 جىلدىعىن اۋدان بولىپ اتاپ وتتىك. بۇل ءىس-شارا قالالىق, رەسپۋبليكالىق باسىلىمداردا جارىق كورىپ, تەلەديدار ارناسىنان كورسەتىلدى. بۇل داعى قارتارىمىزدىڭ ەرەن ەڭبەگىنىڭ جارقىن كورىنىسى دەپ ەسەپتەيمىن, – دەدى سپيكەر.
