ەلوردانىڭ باس مەملەكەتتىك سانيتارلىق دارىگەرى سارحات بەيسەنوۆا قالا تۇرعىندارىنا ۇندەۋ جولداپ, مەرەكە كۇندەرى ادام كوپ جينالاتىن ورىندارعا بارۋدان باس تارتۋعا جانە ەپيدەميولوگيالىق احۋالدى تۇراقتاندىرۋ ءۇشىن كارانتيندىك شارالاردى ساقتاۋعا شاقىردى.
باس دارىگەردىڭ ايتۋىنشا, ءار مەرەكەدەن كەيىن ەپيدەميولوگيالىق جاعداي الەۋمەتتىك بايلانىستاردىڭ ارتۋىنا, كارانتيندىك شارالاردىڭ قابىلدانباۋىنا بايلانىستى ناشارلايدى. سونىمەن, وتكەن مەرەكەلەردەن كەيىن ەلوردا «جاسىل» ايماقتان «سارى» ايماققا قايتا ءوتتى.
«بىرلەسكەن كۇش-جىگەردىڭ ارقاسىندا جاعدايدى ءبىرشاما جاقسارتا الدىق, ەندى سول ەڭبەگىمىز زايا كەتپەسە يگى. الداعى مەرەكە كۇندەرى مونيتورينگتىك توپتاردىڭ جۇمىسى كۇشەيتىلەتىنىن اتاپ وتكىم كەلەدى. تەكسەرۋلەر تەك بىرەۋدى جازالاۋ نەمەسە ايىپپۇل سالۋ ءۇشىن عانا ەمەس, الدىن الۋ شارالارىنىڭ ورىندالۋىن قامتاماسىز ەتۋ ءۇشىن دە جۇرگىزىلەتىنىن ءتۇسىنۋ كەرەك. قالاداعى ەپيدەميولوگيالىق جاعداي وسىعان بايلانىستى» دەپ اتاپ ءوتتى سارحات بەيسەنوۆا.
ول, Ashyq جوباسىنا قاتىساتىن وبەكتىلەردە وتكىزىلەتىن ءىس-شارالاردى قوسپاعاندا, بارلىق كەلۋشىلەر مەن بارلىق پەرسونالدىڭ «جاسىل» مارتەبەسى بولعان كەزدە عانا 50 پايىزعا دەيىن, بىراق 70-تەن اسپايتىن ورىنعا تولتىرىلاتىن ءىس-شارالاردى قوسپاعاندا, وتباسىلىق, كورپوراتيۆتەردى قوسا العاندا, بۇقارالىق ءىس-شارالارعا تىيىم سالىنعانىن ەسكە سالدى. ازاماتتارعا ەلورداداعى ەپيدەميولوگيالىق جاعداي جاقسارعانعا دەيىن شەكتەۋلى اۋماقتا ادامداردىڭ جاپپاي بولۋىن كوزدەيتىن سالتاناتتى ءىس-شارالار مەن مەرەكەلەردى وتكىزۋدەن باس تارتۋعا كەڭەس بەرىلەدى. سونداي-اق بالالاردىڭ قاتىسۋىمەن وتەتىن جالپى مەكتەپتىك جانە ۇجىمدىق ەرتەڭگىلىكتەردى ۇيىمداستىرۋعا جانە وتكىزۋگە تىيىم سالىنادى.
«مەن اتا-انالاردى, باسقا وڭىرلەردەن كەلگەن قوناقتاردى جانە بۇكىل قالا حالقىن وسى تالاپتارعا تۇسىنىستىكپەن قاراۋعا شاقىرامىن. جاڭا جىلدا وسى پاندەميانى جەڭىپ, ءومىردىڭ بۇرىنعى قالپىنا ورالايىق دەپ تىلەيمىن» دەپ قورىتىندىلادى سپيكەر.
