كارىموۆ كوشەسى بولادى

استانادا وزبەكستان رەسپۋبلي­كا­سىنىڭ تۇڭعىش پرەزيدەنتى يسلام كارى­موۆتىڭ قۇرمەتىنە كوشە اتى بەرىلەدى.

وسى جونىندەگى تىلدەردى دامىتۋ باسقارماسىنىڭ باسشىسى تىلەۋعالي قىش­قاشباەۆ ۇسىنعان شەشىمدى استانا قالاسى قوعام­دىق كەڭەسىنىڭ ءمۇ­شە­لەرى ءبىر­اۋىزدان قولدادى.
بۇدان باسقا, سانسىزباي ەسىلوۆتىڭ توراعالىمەن وتكەن كەڭەس وتىرىسىندا بىرنەشە نورماتيۆتىك قۇقىقتىق اكتىلەردىڭ جوبالارى تالقىلاندى. كەڭەس مۇشەلەرى استانا
قالاسىنىڭ كوشەلەرىن كۇتىپ ۇستاۋ, اعىمداعى ورتاشا جانە كۇردەلى ءجون­دەۋ كەزىندە ورىندالاتىن جۇمىس تۇرلەرىنىڭ جىك­تە­لىمىن بەكىتۋ تۋرالى ەرە­جەمەن تانىستى. ول تۋرالى بايانداما جاساعان اۆتوموبيل جولدارى باس­­قارماسىنىڭ باسشىسى اسحات قاراعويشين تال­قى­عا سالىنىپ وتىر­عان جىكتەلىمنىڭ جول-جوندەۋ جۇمىستارىن جوس­پار­لاۋ­عا, جولداردىڭ ءىشىنارا قۇ­رى­لىسىنا, جول-جوندەۋ جۇمىستارى كولەم­دەرى­نىڭ نەگىزدەمەسىنە جانە ولاردىڭ ورىندالۋىنا جەرگىلىكتى جانە رەسپۋب­ليكالىق بيۋدجەتتەن ءبولى­نەتىن قارجىلاندىرۋ مولشەرىنە قاتىستى ماسە­لە­لەردى شەشۋگە نەگىز بولاتىنىن ايتتى. كەڭەس مۇشەلەرى قۇجاتتىڭ ماڭىز­دىلىعىن ەسكەرە وتى­رىپ, تاۋەلسىز ساراپتاۋدان وتكىزۋگە كە­ڭەس بەرىپ, قۇ­جاتتى كەرى قايتاردى.
ەلوردانىڭ دەنساۋلىق ساقتاۋ سالاسىنداعى مەم­­لەكەتتىك كوممۋنال­دىق قازىنالىق كاسىپورىن­دا­رىنداعى قىزمەتتەردىڭ 2017 جىلعا ارنالعان با­عا­لارىن بەلگىلەۋ ءجو­نىندە دەنساۋلىق ساق­تاۋ باسقار­ماسىنىڭ باسشىسى ءمىن­دەتىن اتقارۋشى يلياس باكيروۆ بايانداما جاسادى. ول جۇقپالى اۋرۋلاردى ەمدەيتىن مەكە­­مەلەردەگى اقىلى قىز­مەت­تىڭ باعاسىن 4-10 پايىز ارالىعىندا كوتەرۋدى نەگىز­دەگەننەن كەيىن, كە­ڭەس وتىرىسىندا بۇل قا­جەت­­تىلىكتى قولداۋ كەرەك دەگەن توقتامعا كەلدى.

ايگۇل ۋايسوۆا