كاسىپكەرلەرگە گرانت بەرىلەدى

«استانا اقشامى» 15.03.2022 00:13

0 144

ەلوردادا 1-15 ءساۋىر ارالىعىندا «بيزنەستىڭ جول كارتاسى-2025» مەملەكەتتىك باعدارلاماسى اياسىندا جاڭا بيزنەس-يدەيالاردى ىسكە اسىرۋ ماقساتىندا مەملەكەتتىك گرانتتار بەرۋ كونكۋرسىنا قاتىسۋ ءۇشىن كاسىپكەرلەردەن وتىنىمدەر قابىلدايدى.

[smartslider3 slider=2418]

ءوز قىزمەتىن ەكونوميكانىڭ باسىم سەكتورلارىنىڭ شەڭبەرىندە جۇزەگە اسىراتىن, گرانتتىق ىرىكتەۋگە قۇجاتتارىن تولىق كولەمدە ۇسىنعان كاسىپكەرلەر قاتىسا الادى.

باعدارلاما شارتتارىنا سايكەس كەلەتىن ءاربىر كاسىپكەر گرانت بەرۋگە ارنالعان قولدانىستاعى شارتتار بولماعان كەزدە ءبىر بيزنەس-جوبا بويىنشا جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتار بەرۋ ماقساتىنداعى كونكۋرستىق ىرىكتەۋگە قاتىسۋشى بولا الادى.

قوسىمشا سۇراقتار بويىنشا «نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى» مەملەكەتتىك مەكەمەسىنە 556921, 556916, 556903 تەلەفوندارى بويىنشا حابارلاسۋعا بولادى.

جاڭا بيزنەس-يدەيالاردى ىسكە اسىرۋعا ارنالعان بيزنەس-جوبانىڭ مىندەتتى شارتتارى:

1) بەرىلەتىن مەملەكەتتىك گرانت كولەمىنىڭ كەمىندە 10 پايىزى مولشەرىندە ونى ىسكە اسىرۋعا ارنالعان شىعىستاردى كاسىپكەردىڭ, ونىڭ ىشىندە بيزنەس-جوباعا قاتىساتىن جىلجىمالى جانە/نەمەسە جىلجىمايتىن مۇلىكپەن (تالاپ حالىقتىڭ الەۋمەتتiك وسال توپتارى ءۇشىن مىندەتتى ەمەس) قوسا قارجىلاندىرۋى (اقشا قاراجاتىمەن);

2) جاڭا جۇمىس ورىندارىن قۇرۋ;

3) كاسىپكەردىڭ بيزنەس-جوباسىندا ينفراقۇرىلىمنىڭ بولۋى جانە/نەمەسە جوبانى ىسكە اسىرۋ ءۇشىن جەتكىلىكتى ينفراقۇرىلىم قۇرۋ كوزدەلگەن ينۆەستيتسيالىق جوسپاردىڭ بولۋى تالاپ.

كاسىپكەرلەر جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانت قاراجاتىن مىناداي ماقساتقا پايدالانادى:

1) تاۋارلار شىعارۋعا نەمەسە قىزمەتتەر كورسەتۋگە قاجەتتى نەگىزگى قۇرالداردى, شيكىزات پەن ماتەريالداردى ساتىپ الۋ;

2) ماتەريالدىق ەمەس اكتيۆتەردى ساتىپ الۋ;

3) تەحنولوگيا ساتىپ الۋ;

4) كەشەندi كاسiپكەرلiك ليتسەنزياعا (فرانچايزينگ) قۇقىقتاردى ساتىپ الۋ;

5) زەرتتەۋ جۇمىستارىمەن جانە/نەمەسە جاڭا تەحنولوگيالاردى ەنگىزۋمەن بايلانىستى شىعىستار.

جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانت قاراجاتىن مىنا ماقساتقا پايدالانۋعا بولمايدى:

1) جىلجىمايتىن مۇلىكتى جانە/نەمەسە جەر ۋچاسكەسىن ساتىپ الۋعا;

2) جالداۋ اقىسىن تولەۋ رەتىندە;

3) ۇلەستەس/بايلانىسقان كومپانيالاردان/تۇلعالاردان نەگىزگى قۇرالداردى/اكتيۆتەردى ساتىپ الۋعا (كورسەتىلەتىن قىزمەتتەردى الۋعا/جۇمىستاردى ورىنداۋعا);

4) بۇرىن قولدانىستا بولعان نەگىزگى قۇرالداردى (جابدىقتاردى) ساتىپ الۋعا بولمايدى.

كاسىپكەردىڭ جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانت قاراجاتىن يگەرۋى جەكە تۇلعادان اۆتوكولىكتى ساتىپ الۋ جاعدايلارىن قوسپاعاندا, كاسىپكەرلىك سۋبەكتىسى رەتىندە تىركەلگەن كونتراگەنت شوتىنا قولما-قول جاسالمايتىن تولەم ارقىلى جۇزەگە اسىرىلادى.

ءبىر كاسىپكەر ءۇشىن مەملەكەتتىك گرانت سوماسى ەكى ملن تەڭگەدەن بەس ملن تەڭگەگە دەيىن قۇرايدى.

مىناداي كاسىپكەرلەرگە گرانت بەرىلمەيدى:

1) قايتا ۇيىمداستىرۋ, تاراتۋ نەمەسە بانكروتتىق ساتىسىنداعى, سونداي-اق قىزمەتى قازاقستان رەسپۋبليكاسىنىڭ قولدانىستاعى زاڭناماسىنا سايكەس توقتاتىلعان;

2) سالىقتار مەن مەملەكەتتىك بيۋدجەتكە باسقا دا مىندەتتى تولەمدەر بويىنشا بەرەشەگى بار;

3) قىزمەتىنىڭ نەگىزگى ءتۇرى جىلجىمايتىن مۇلىكتى جالعا بەرۋ بولىپ سانالاتىن;

4) مەملەكەتتىك گرانت الۋعا ءوتىنىم بەرگەن كەزدە بەرىلەتىن مەملەكەتتىك گرانت كولەمىنىڭ كەمىندە 10 پايىزى مولشەرىندە بيزنەس-جوبانى ىسكە اسىرۋعا ارنالعان شىعىستاردى بىرلەسىپ قارجىلاندىرۋىن (اقشا قاراجاتىمەن, بيزنەس-جوباعا قاتىساتىن جىلجىمالى/جىلجىمايتىن مۇلىكپەن) راستاماعان (حالىقتىڭ الەۋمەتتiك وسال توپتارىن قوسپاعاندا);

5) كونكۋرسقا قاتىسۋشىنىڭ كرەديتتىك تاريحىنا سايكەس قارجىلىق مىندەتتەمەلەرى بويىنشا مەرزىمى وتكەن بەرەشەگى بار كاسىپكەرلەرگە گرانتتار بەرىلمەيدى.

جاڭا بيزنەس-يدەيالاردى ىسكە اسىرۋ ءۇشىن مەملەكەتتىك گرانتتاردى الۋعا ۇمىتكەر كاسىپكەرلەر وتىنىمگە PDF فورماتىنداعى قۇجاتتاردىڭ مىناداي سكانەرلەنگەن كوشىرمەلەرىن قوسا بەرەدى:

1) باسشىنىڭ قولىمەن جانە ءوتىنىش بەرۋشىنىڭ مورىمەن راستالعان, ءوتىنىم بەرۋ كەزىندەگى جالدامالى جۇمىسكەرلەردىڭ ورتاشا سانى تۋرالى انىقتاما (بار بولسا);

2) باعدارلامانىڭ جانە (نەمەسە) قازاقستان رەسپۋبليكاسى ۇكىمەتىنىڭ 2018 جىلعى 13 قاراشاداعى №746 قاۋلىسىمەن بەكىتىلگەن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» باعدارلاماسى اياسىندا كاسىپكەردىڭ وقۋدان وتكەنىن راستايتىن, ەسكىرۋ مەرزىمى 2 (ەكى) جىلدان اسپايتىن قۇجات (بار بولسا);

3) بەرىلەتىن مەملەكەتتىك گرانت كولەمىنىڭ كەمىندە 10 پايىزى مولشەرىندە بيزنەس-جوبانى ىسكە اسىرۋعا ارنالعان شىعىستاردى (بيزنەس-جوباعا قاتىساتىن اقشا قاراجاتىمەن, جىلجىمالى/جىلجىمايتىن مۇلىكپەن) قوسا قارجىلاندىرۋدىڭ بولۋىن راستايتىن قۇجاتتار, كاسىپكەردىڭ اعىمداعى شوتىندا اقشا قاراجاتىنىڭ بولۋى تۋرالى بانكتىك شوتتان ءۇزىندى كوشىرمە نەمەسە بيزنەس-جوباعا قاتىساتىن جىلجىمالى جانە/نەمەسە جىلجىمايتىن مۇلىكتىڭ باعالاۋ قۇنىن راستايتىن قۇجاتتار (حالىقتىڭ الەۋمەتتىك وسال توپتارىن قوسپاعاندا);

4) ءوتىنىم بەرۋشىدە حالىقتىڭ الەۋمەتتىك وسال توپتارىنا جاتقىزۋ مارتەبەسىنىڭ بار ەكەنىن راستايتىن قۇجات (اقپاراتتىق جۇيەلەردىڭ ءوزارا ءىس-قيمىلى ناتيجەسىندە مالىمەتتەر تۇسپەگەن جاعدايدا);

5) كاسىپكەردىڭ ەكونوميكانىڭ باسىم سەكتورلارىندا قىزمەتتى جۇزەگە اسىرۋى تۋرالى مالىمەتتەرى بار جەكە كاسىپكەردى تىركەۋ تۋرالى حابارلامانىڭ كوشىرمەسى.