ەلوردادا مۇمكىندىگى شەكتەۋلى جاندارعا ارنالعان 22 مىڭ الەۋمەتتىك ينفراقۇرىلىم نىساندارىن بەيىمدەۋ بويىنشا «كەدەرگىسىز كەلەشەك» پارتيالىق جوباسى جۇزەگە اسىرىلۋدا.
Nur Otan پارتياسىنىڭ «وزگەرىس جولى: اركىمگە لايىقتى ءومىر!» سايلاۋالدى باعدارلاماسى اياسىندا ەلوردادا ەرەكشە قاجەتتىلىكتەرى بار ادامدار ءۇشىن ينفراقۇرىلىمدى جاقسارتۋ, سونىڭ ىشىندە پاندۋستارمەن, بەيىمدەلگەن ليفتىلەرمەن, دارەتحانالارمەن, زاعيپ جاندارعا ارنالعان باعىتتاۋشى بەلگىلەرمەن قامتاماسىز ەتۋ بويىنشا اۋقىمدى جۇمىس جۇرگىزىلۋدە.
بۇگىندە ەلوردادا ەرەكشە قاجەتتىلىكتەرى بار 30 مىڭعا جۋىق ادام تۇرادى, ولاردىڭ 7 مىڭنان استامى – 18 جاسقا دەيىنگى بالالار. ولار ءۇشىن قالادا بىرقاتار قولداۋ جانە جان-جاقتى كومەك كورسەتۋ شارالارى قاراستىرىلعان. سونىمەن قاتار, ولار ءۇشىن كەدەرگىسىز ورتا قۇرۋ بويىنشا تۇراقتى جۇمىس جۇرگىزىلۋدە.
ماسەلەن, 2021 جىلى 260-قا جۋىق دەنساۋلىق ساقتاۋ, ءبىلىم بەرۋ, مادەنيەت, سپورت, شاعىن جانە ورتا بيزنەس نىسانى, مەملەكەتتىك مەكەمە, حقكو, قازپوشتا فيليالدارى, اۋەجاي جانە ۆوكزال مۇمكىندىگى شەكتەۋلى جاندارعا ىڭعايلى بولۋ ءۇشىن بارلىق قاجەتتى زاتتارمەن تولىق جابدىقتاۋدى جوسپارلاپ وتىر. ولاردىڭ 157-ءسى بەيىمدەلسە, تاعى 102 – ءسى ءىشىنارا, بۇل نىسانداردىڭ مەنشىك يەلەرى ەسكەرتۋلەردى جويۋ بويىنشا جۇمىستار جۇرگىزۋدە.
سونىمەن قاتار, اۋدان اكىمدىكتەرىنىڭ جۇمىس توپتارى پاسپورتتاۋ مەن بەيىمدەۋگە جاتاتىن الەۋمەتتىك ماڭىزى بار نىسانداردىڭ ءتىزىمىن جاسادى. بۇگىندە 259 نىسان پاسپورتتالدى.
قالانىڭ پاسپورتتالعان جانە بەيىمدەلگەن وبەكتىلەرى تۋرالى بارلىق اقپارات «مۇگەدەك ادامداردى الەۋمەتتىك قورعاۋ» اقپاراتتىق پورتالىندا «قولجەتىمدىلىكتىڭ ينتەراكتيۆتى كارتاسى» (inva.gov.kz) بولىمىندە جاريالاناتىنىن اتاپ ءوتۋ قاجەت.
بۇگىنگى تاڭدا نۇر-سۇلتان قالاسىندا 6 وڭالتۋ جانە الەۋمەتتىك ورتالىق جۇمىس ىستەيدى, ولار ومىرلىك قيىن جاعدايعا تاپ بولعان ادامدارعا, زەينەتكەرلەرگە, مۇمكىندىگى شەكتەۋلى ادامدارعا كومەك كورسەتەدى.
مىسالى, ومىردە قيىن جاعدايعا تاپ بولعان ادامداردى قايتا الەۋمەتتەندىرۋ ورتالىعى 20 جىلعا جۋىق جۇمىس ىستەپ كەلەدى. بۇگىندە ورتالىقتان 80-نەن استام ادام كومەك پەن قولداۋ الادى.
مەكەمەنىڭ كۇندىزگى ءبولىمى 180 توسەك-ورىنعا, تۇنگى ءبولىمى 50 توسەك-ورىنعا ەسەپتەلگەن. ورتالىقتا الەۋمەتتىك-تۇرمىستىق, زاڭگەرلىك, پسيحولوگيالىق, ەكونوميكالىق, مادەني-ەڭبەك قىزمەتتەرى كورسەتىلەدى. سونداي-اق ماماندار قۇجاتتاردى قالپىنا كەلتىرۋگە, قارتتار ۇيىنە جانە مۇگەدەكتىككە راسىمدەۋگە كومەكتەسەدى. قىزمەت الۋشىلار ورتالىقتا 1 ايدان 1 جىلعا دەيىن بولا الادى.
كوكتال تۇرعىن الابىندا «شاراپات» الەۋمەتتىك قىزمەت كورسەتۋ ورتالىعى مۇگەدەك جانداردىڭ جانە زەينەتكەرلىك جاسقا تولعان, ءوز بەتىنشە قىزمەت كورسەتە المايتىن جانە دەنساۋلىق جاعدايى بويىنشا كومەككە مۇقتاج ادامداردىڭ ستاتسيونار جاعدايىندا تاۋلىك بويى تۇراقتى نەمەسە ۋاقىتشا تۇرۋىنا ارنالعان. ورتالىق ماماندارى سونداي-اق مۇگەدەك بالالارعا ۇيدە كۇتىم كورسەتۋ جاعدايىندا جانە وزىنە-ءوزى قىزمەت كورسەتۋ قابىلەتىن ءىشىنارا جوعالتقان جانە بوگدە ادامنىڭ قولداۋىنا مۇقتاج قارت ازاماتتارعا كومەك كورسەتەدى.
«نۇرلى جۇرەك» الەۋمەتتىك قىزمەت كورسەتۋ ورتالىعىندا پسيحونەۆرولوگيالىق پاتولوگياسى بار 3 جاستان 18 جاسقا دەيىنگى ەرەكشە بالالار تۇرادى, ولارعا دەنساۋلىق جاعدايى بويىنشا تاۋلىك بويى كۇتىم مەن مەديتسينالىق قىزمەت قاجەت.
سونداي-اق ەلوردادا تۇرمىستىق زورلىق-زومبىلىققا ۇشىراعان ايەلدەرگە ارناۋلى الەۋمەتتىك قىزمەت كورسەتەتىن «ءۇمىت» داعدارىس ورتالىعى جۇمىس ىستەيدى.
«قامقور» الەۋمەتتىك قىزمەت كورسەتۋ ورتالىعى پسيحونەۆرولوگيالىق اۋرۋلاردان زارداپ شەگەتىن, كۇتىمگە, تۇرمىستىق جانە مەديتسينالىق قىزمەت كورسەتۋگە مۇقتاج 18 جاستان اسقان ادامداردىڭ تاۋلىك بويى جانە تۇراقتى تۇرۋىنا ارنالعان.
ازاماتتارعا جان-جاقتى كومەكتى «جانۇيا» وتباسى ينستيتۋتىنىڭ ورتالىعى مەن ەلوردانىڭ حالىقتى جۇمىسپەن قامتۋ ورتالىعى ۇسىنادى. مۇندا كەز كەلگەن ادام زاڭگەرلىك, پسيحولوگيالىق كەڭەس الا الادى, بيزنەس سالاسىن مەڭگەرۋدى ۇيرەنەدى, «ءبىر تەرەزە» قاعيداتى بويىنشا مەملەكەتتىك قىزمەتتەردى الادى, جۇمىسقا ورنالاسادى جانە تاعى باسقالار.
ەلوردادا ەرەكشە قاجەتتىلىكتەرى بار ازاماتتار بىرقاتار وڭالتۋ قىزمەتتەرىمەن قامتاماسىز ەتىلگەن.
جەكە وڭالتۋ باعدارلاماسىنا سايكەس 2021 جىلى وڭالتۋ قىزمەتتەرىمەن 21 مىڭنان استام ادام قامتىلدى.
سونداي-اق ەرەكشە قاجەتتىلىكتەرى بار ادامدار «ينۆاتاكسي» قىزمەتىن پايدالانا الادى, وندا بۇگىندە اربامەن جۇرگەندەرگە, كوزى كورمەيتىن ادامدارعا جانە مۇمكىندىگى شەكتەۋلى بالالارعا ارنالعان ارنايى جابدىقتالعان 50 اۆتوماشينا جۇمىس ىستەيدى.
وسى جىلدىڭ باسىنان باستاپ تاسىمالداۋمەن 1 869 ادام قامتىلدى, ونىڭ ىشىندە 803 بالا.
سونىمەن قاتار, وسى ساناتتاعى ادامدارعا قالالىق جولاۋشىلار كولىگى مارشرۋتتارىندا تەگىن جول ءجۇرۋ, ەكى جىلدا ءبىر رەت ءتىس پروتەزدەۋ قىزمەتتەرى ۇسىنىلادى.
ەلوردادا مۇمكىندىگى شەكتەۋلى جاندار ءۇشىن بىلىكتى قىزمەتكەرلەرى بار ەكى زاماناۋي سپورت كەشەنى بار.
ونىڭ ءبىرىنشىسى – اقشوقى كوشەسى, 2 مەكەنجايىندا ورنالاسقان پاراليمپيادالىق جاتتىعۋ ورتالىعى. ورتالىق مۇگەدەك جاندارعا تولىقتاي بەيىمدەلگەن. ىشىندە جاتتىعۋ زالى, جەكپە-جەك زالى جانە كوپفۋنكتسيونالدى ويىن زالى بار. ولار پاراپاۋەرليفتينگ, پارادزيۋدو, پاراتاەكۆوندو, ۇستەل تەننيسى, ۇلتتىق سپورت تۇرلەرى, وتىرىپ ۆولەيبول ويناۋ, گولبول, بوچچا, اربامەن بيلەۋ سياقتى سپورت تۇرلەرىمەن اينالىسۋعا مۇمكىندىك بەرەدى.
ەكىنشى نىسان – «تارلان» مۇز ارەناسى (تۇران داڭعىلى, 5/1). مۇندا قالالىق حوككەي جانە سلەدج-حوككەي كوماندالارى اينالىسادى, مۇمكىندىگى شەكتەۋلى ادامدار, ولاردىڭ تۋىستارى مەن دوستارى ءۇشىن جاپپاي سىرعاناۋ وتكىزىلەدى.
