استانانىڭ 25 جىلدىعىنا وراي سارىارقا, الماتى جانە ەسىل اۋدانىندا اسىق الاڭى اشىلدى. بۇعان ءماجىلىس دەپۋتاتى ايداربەك قوجانازاروۆ, «اسىق ويىنى» فەدەراتسياسىنىڭ جەتەكشىلەرى جانە قالا تۇرعىندارى قاتىستى.
ءىس-شاراعا قاتىسقان قالا تۇرعىندارى اسىق ويناپ جارىستى ءارى ۇزدىكتەرگە اسىق سىيعا بەرىلدى. بۇل باستامانىڭ ماقساتى – وسكەلەڭ ۇرپاقتىڭ بويىنا وتانشىلدىق سەزىمدى ءسىڭىرۋ.
شىن مانىندە, اسىق ويىنى جاستايىنان بالانىڭ وي-قابىلەتىن شىڭداپ, ەپتى, شيراق, ۇستامدى, سەرگەك بولۋعا باۋليدى. سول سەبەپتى اسىق ويىنىن جان-جاقتى دارىپتەپ, دامىتۋ – ماڭىزدى مىندەتتىڭ ءبىرى.
اسىق الاڭدارىن الماتى اۋدانىنداعى ستۋدەنتتىك ساياباقتا جانە ەسىل اۋدانىنداعى «ەكسپو» اۋماعىنان تابۋعا بولادى. الداعى ۋاقىتتا ءدال وسىنداي الاڭدار ەلوردانىڭ باسقا اۋداندارى مەن ەلدىڭ وزگە وڭىرلەرىندە اشىلادى.
الاڭداردىڭ باستى ەرەكشەلىگى – اسىق تاريحى جانە ويىن تۇرلەرى مەن ەرەجەلەرى تۋرالى ماعلۇماتتى ارنايى ەنگىزىلگەن QR-كود ارقىلى بىلۋگە بولادى.
