بۇگىن استانادا كەمەلەرمەن سەرۋەندەۋ ماۋسىمى اشىلادى. باعىت بۇرىنعىداي, ياعني كەمە «سارىارقا» كوپىرىنەن باستاپ «اقوردا» رەزيدەنتسياسىنا دەيىن جۇرەدى. وسى ارالىقتاعى توعىز شاقىرىمدى تەپلوحود شامامەن 50 مينۋتتىڭ ىشىندە ءجۇرىپ وتەدى.
كەمەلەر ساعات 12.00-دەن باستاپ 21.00-گە دەيىن قىزمەت كورسەتەدى. اعىمداعى جىلى قالاعا تۋريستەر كوپ كەلەتىندىكتەن جولاۋشىلارعا ارنالعان التى كەمە مەن قوسىمشا ەكى كاتەر قىزمەت كورسەتەدى.
سۋ كولىكتەرى قۇبىلمالى اۋا رايى كەزىندە جانە قاتتى جەل بولعاندا ءجۇزۋدى توقتاتاتىنىن ايتا كەتەيىك. بارلىق قاۋىپسىزدىك شارالارى ساقتالادى: ايلاقتا جولاۋشىلاردى ءمىنۋى مەن ءتۇسۋىن باقىلايتىن ينسپەكتورلار كەزەكشىلىك ەتىپ, كەمەدەگى ءتارتىپتى كاپيتان مەن ەكى موتوريست-مەحانيك باقىلايدى. سونىمەن قاتار ەلوردانىڭ قۇتقارۋ قىزمەتى دە جۇمىس ىستەيدى.كەمەلەردە قۇتقارۋ دوڭگەلەكتەرى بار, سۇراعان جولاۋشىلارعا قۇتقارۋ كەۋدەشەلەرى دە بەرىلەدى. كەمەمەن سەرۋەندەۋ ماۋسىمى قازان ايىنا دەيىن جالعاسادى.
