جاقىندا قالا باسشىسى قىزمەت كورسەتۋشى ۇيىمدار مەن ليفت شارۋاشىلىعىنىڭ جۇمىسىنا تەكسەرىس جۇرگىزۋ تۋرالى تاپسىرما بەرگەن بولاتىن. وسىعان وراي ەلوردالىق اكىمدىكتە ارنايى جيىن ءوتتى.
قالالىق ورتا ساپاسى جانە باقىلاۋ باسقارماسىنىڭ مالىمەتىنشە, ەلورداداعى 486 قىزمەت كورسەتۋشى ۇيىمنىڭ 313-ءىنىڭ جۇمىسىنا تەكسەرىس جۇرگىزىلگەن. تەكسەرىس بارىسىندا جاۋىن-شاشىننان كەيىن كەيبىر عيماراتتاردىڭ توبەسىنەن سۋ اعىپ تۇرعانى, ينجەنەرلىك جەلىلەر مەن جەرتولەلەرىنىڭ ءتيىستى دەڭگەيدە بولماۋى, جىلىتۋ ماۋسىمىنا دايىندىقتىڭ جۇرگىزىلمەۋى سياقتى «سك قىزىلجار» جشس, «جاعىپار» پيك, «تۇرمىس» جشس سىندى بىرقاتار قىزمەت كورسەتۋشى ۇيىمداردىڭ كەمشىلىكتەرى انىقتالىپتى. سونىڭ ىشىندە 48 ۇيىمعا تيەسىلى تۇرعىن ۇيلەردىڭ شاتىردى جوندەۋ, قاسبەتتى رەتكە كەلتىرۋ, كىرەبەرىس پەن جەرتولەنى جانە ينجەنەرلىك, تەحنيكالىق جاعدايىن جاقسارتۋ سياقتى جۇمىستار جۇكتەلگەن ەكەن. بۇل تۇرعىدا قالالىق ورتا ساپاسى جانە باقىلاۋ باسقارماسى ءتيىستى جۇمىستاردى اتقارماعان «وردا تازالىق 777» جشس, «جايلى ۇيلەر» جشس, «الماتى قىزمەت» جشس سياقتى 8 كومپانياعا قاتىستى ماتەريالداردى سوتقا جىبەرگەن.
سونداي-اق بۇل ماسەلەلەر جونىندە اتالمىش باسقارمامەن قاتار, iKomek قالالىق مونيتورينگ جانە جەدەل ارەكەت ەتۋ ورتالىعىنا, ياعني «109» نومىرىنە حابارلاسۋعا بولادى. ءساۋىر ايىنان بەرى مۇندا دا تۇرعىندار قىزمەت كورسەتۋشى ۇيىمدار, ليفت شارۋاشىلىعى جونىندە 433 رەت شاعىمدانىپتى. بۇل تۇرعىدا iKomek ورتالىعى ارقىلى كەلىپ تۇسكەن جۇمىستار دا ۇدايى باقىلاۋدا كورىنەدى.
