ەلەكتروندى اكىمدىك
ەلەكتر باعاناسى قايدا كەتكەن؟
دميتري گلۋشكو:
– ماسكەۋ كوشەسىنىڭ تىلەنديەۆ داڭعىلىمەن قيىلىساتىن تۇسى – پروبلەمالىق اۋماق. نەگىزى, بۇل جەردە جارىق باعاناسى بولۋى كەرەك-تۇعىن. بىراق ونىڭ ورنىنا تروتۋار ۇستىندە ەلەكتر سىمدارى شىعىپ جاتىر. جاياۋ جۇرگىنشىلەردىڭ قاۋىپسىزدىگىن ويلاعان بىرەۋلەر ونى كىرپىشپەن قورشاپ قويىپتى.
اۋداندىق اكىمدىككە حابارلاسىپ, جاعدايدى ايتقان سوڭ باعانا ورناتىلدى. بىراق باعانانىڭ شەت-شەتىنە ءالى دە تاس توسەلمەپتى. وسى ماسەلە بويىنشا تاعى دا حابارلاسىپ وتىرمىن.
سارىارقا اۋدانى اكىمدىگى:
– قۇرمەتتى دميتري گلۋشكو! ءسىزدىڭ شاعىمىڭىز بويىنشا اۋماقتى جاقسارتۋ جونىندە شارا قابىلداندى. جايسىز جەرلەر رەتتەلدى. ەلوردانىڭ تىنىس-تىرشىلىگىنە اتسالىسقانىڭىز ءۇشىن العىسىمىزدى بىلدىرەمىز.
جيەكتاستى جۇلىپ اكەتىپتى
باحتيار حاميت:
– قايىرلى كۇن! قار تازالاۋشىلاردىڭ كەسىرىنەن شىڭعىس ايتماتوۆ كوشەسى, 29ا مەكەنجايىنداعى جەكەمەنشىك مەكەمەگە تيەسىلى الاڭنىڭ جيەكتاسىنا (بورديۋر) نۇقسان كەلگەنى تۋرالى شاعىمدانعان بولاتىنمىن. كەشە وسى جونىندە ماعان اكىمدىك قىزمەتكەرلەرىنىڭ بۇل ماسەلەنى قالپىنا كەلتىرگەنى تۋرالى سمس-حابارلاما كەلدى. بىراق شىن مانىندە بۇل جۇمىس ءالى دە اتقارىلعان جوق. وسى ماسەلەگە ءمان بەرىپ, جيەكتاستى ورناتۋلارىڭىزدى سۇرايمىن. دالەل رەتىندە نازارلارىڭىزعا بۇگىن تۇسىرىلگەن مىنا سۋرەتتى ۇسىنامىن.
ەسىل اۋدانى اكىمدىگى:
– قۇرمەتتى باحتيار حاميت! بۇل ماسەلە بويىنشا جۇمىستار جۇرگىزىلىپ, نۇقسان كەلگەن الاڭ قالپىنا كەلتىرىلدى. فوتوماتەريال قوسا ۇسىنىلىپ وتىر. قالا ومىرىندە بەلسەندىلىك تانىتقانىڭىزعا راقمەت.
مۇنداي كونتەينەردىڭ قاجەتى قانشا؟
ۆيكتوريا سەلەزنيوۆا:
– باسقا ۇيلەردەگى مىنانداي ەلەكتر لامپالارىن سۇرىپتاپ تاستاۋعا ارنالعان قىزعىلت-سارى كونتەينەرلەر جۇيەسى ىستەپ تۇر ما ەكەن؟ ال ءبىزدىڭ ءۇيدىڭ ماڭىنداعى, ياعني ساتباەۆ كوشەسى, 4/1 ءۇيدىڭ جانىنداعى وسىنداي ەكى كونتەينەردى ۇنەمى باقىلاپ ءجۇرمىز. ول كوپ ۋاقىتتان بەرى بىرقالىپتى تۇر. كورسەتىلگەن نومىرگە حابارلاسساق, ەشكىم جاۋاپ بەرمەيدى.
31 مامىر كۇنى تۇرعىنداردىڭ ءبىرى مۇندا ەلەكتر لامپالارىن تاستاعان. ولار سول كۇيى ۇزاق تۇردى. بىردە بالالار سول لامپالاردى اۋلاعا الىپ كەلىپ ويناپ ءجۇر. سودان كەيىن «109» قىزمەتىنە حابارلاسۋعا تۋرا كەلدى. سول كۇنى كەشكىسىن جۇمىسشىلار كەلىپ, اۋلانى سىپىرىپ كەتتى. ولار تەندەردى ەندى ۇتىپ, وسى كونتەينەرلەردىڭ اۋىستىرىلاتىنىن, سودان سوڭ ۇنەمى قىزمەت كورسەتىپ وتىراتىندارىن ايتتى. بىراق سودان بەرى 5 اي ءوتتى, باياعى جارتاس سول جارتاس. بىرەۋلەر تاعى دا لامپا تاستاپتى, ونى الىپ كەتۋگە ەشكىم اسىعاتىن ەمەس. ال جاشىكتەر تۇرمىستىق قالدىققا تولىپ تۇر. ەگەر ۇنەمى تازالاپ وتىرماسا, مۇنداي كونتەينەردى ورناتۋدىڭ قاجەتى قانشا؟
استانا قالاسى قورشاعان ورتانى قورعاۋ جانە تابيعاتتى پايدالانۋ باسقارماسى:
– قۇرمەتتى ۆيكتوريا سەلەزنيوۆا! ءسىزدىڭ شاعىمىڭىزدان كەيىن كورسەتىلگەن مەكەنجاي بويىنشا قىزمەت كورسەتۋ جۇرگىزىلدى. فوتوماتەريال ۇسىنىلادى. قالا ومىرىنە بەلسەندى ارالاسقانىڭىز ءۇشىن العىسىمىزدى بىلدىرەمىز.
قۇمنان اياق الىپ ءجۇرۋ مۇمكىن ەمەس
دياس يساباەۆ:
– بۇل – پەتروۆ 21/2 مەكەنجايىنىڭ اۋلاسى. كورىپ تۇرعاندارىڭىزداي, اۋلادا قۇم شاشىلىپ جاتىر. كورشى ءۇيدىڭ پاتەر يەلەرى كووپەراتيۆى ۇنەمى قۇمدى قالاي بولسا سولاي تاسيدى. ءوتىنىش, ولارعا ەسكەرتۋ جاساپ, جول ۇستىندەگى قۇمدى جيناپ تاستاۋدى تاپسىرىڭىزدارشى. جاۋىن-شاشىن بولسا, مۇنىڭ ءبارى لاي-باتپاق بولادى عوي.
الماتى اۋدانى اكىمدىگى:
– قۇرمەتتى دياس يساباەۆ! پەتروۆ كوشەسى, 21/2 مەكەنجايىنداعى قۇمنىڭ دۇرىس ورنالاستىرىلماۋى جونىندە پيك ماماندارىنا ەسكەرتۋ جاسالدى. جول ۇستىندەگى قۇم تازارتىلدى. نازارىڭىزعا فوتوماتەريالدى ۇسىنامىز. حابارلاسقانىڭىزعا راقمەت.
قوقىس جاشىگى نەگە جوق؟
جاننا قۇرمانباەۆا:
– قىركۇيەكتەن بەرى قىزىمدى ساباعىنان كۇندەلىكتى ءوزىم الىپ قايتامىن. ول كوكتال-1 تۇرعىن الابى, كيروۆ كوشەسىنىڭ بويىنداعى №41 ورتا مەكتەبىندە وقيدى. قايتار جولدا اتا-انالار ۇنەمى مەكتەپ جانىنداعى «ناز تەاترى» ايالداماسىندا تۇرامىز. الايدا ايالداما شاتىرى ابدەن ەسكىرگەن. سىنىقتارىن جەل ۇشىرىپ اكەتەدى. ونىڭ ۇستىنە, ايالداما ماڭىندا بىردە-ءبىر قوقىس جاشىگى قويىلماپتى. وسى جاعدايدى سۋرەتكە ءتۇسىرىپ, سارىارقا اۋدانى اكىمدىگى مەن «109» قىزمەتىنىڭ تەلەگرامداعى چات-بوتىنا جولدادىم. بۇدان كەيىن ايالداما شاتىرى رەتكە كەلتىرىلدى. «كوركەم-نس» مەردىگەر ۇيىمىنىڭ ماماندارى ول جەردى كۇندەلىكتى تازالايدى. بىراق قوقىس جاشىگى ءالى قويىلمادى.
سارىارقا اۋدانى اكىمدىگى:
– قۇرمەتتى جاننا قۇرمانباەۆا! بارلىق شاعىمىڭىز بويىنشا جۇمىستار اتقارىلدى. قازىرگى ۋاقىتتا وسى ايالداما جانىنا قوقىس جاشىگى ورناتىلدى. ەلوردا ومىرىنە بەلسەندى ارالاسقانىڭىز ءۇشىن العىسىمىزدى بىلدىرەمىز.
دەرەكتەر iKomek قالالىق مونيتورينگ جانە جەدەل ارەكەت ەتۋ ورتالىعىنان ىرىكتەلىپ الىندى.
قالا تىرشىلىگىنەن حاباردار ەتكەندەرىڭىزگە راقمەت. قالا تىرشىلىندە نە بولىپ جاتىر ەكەن دەپ قاراسام, كوپ اقپارات الامىن.
ونەر, مادەنيەت تاقىرىپتارى ونسىز دا الەۋمەتتىك جەلىدە جارىسا جازىلادى عوي. سول ساتتە-اق ءار ادامنىڭ جەكە پاراقشاسىنان جىلتىڭداپ شىعا كەلەدى.
بارلىعىن وقىپ شىقتىم. حالىق ۇنىنە قۇلاق ءتۇرىپ, جاۋاپ ارەكەتتەرى قۋانتتى.