كەشەندى تەستىلەۋدىڭ قورىتىندىسى

جىل سايىن كاسىپتىك جانە تەحنيكالىق ءبىلىم بەرۋ ۇيىمدارىنىڭ, ۇبت-عا قاتىسپاعان جالپى ءبىلىم بەرۋ مەكەمەلەرىنىڭ تۇلەكتەرى قازاق جانە ورىس تىلدەرىنەن باسقا تىلدە وقىتاتىن جالپى ءبىلىم بەرۋ مەكتەپتەرىنىڭ تۇلەكتەرى, رەسپۋبليكالىق مۋزىكالىق مەكتەپ-ينتەرناتتاردىڭ تۇلەكتەرى, حالىقارالىق الماسۋ جەلىسى بويىنشا شەتەلدە وقىعان وقۋشىلار كەشەندى تەست تاپسىرادى. بيىلعى كەشەندى تەستىلەۋ ەلىمىزدىڭ 42 جوو بازاسىندا ءوتتى. وعان 87 060 ادام ءوتىنىش ءبىلدىرىپ, ونىڭ ىشىندە 84 496 تالاپكەر ءبىلىم دەڭگەيىن سىناپ كوردى.

بۇل تۋرالى قر پرەزيدەنتى جا­نىنداعى ورتالىق كوممۋنيكاتسيا­لار قىزمەتىنىڭ بريفينگىندە ءبىلىم جانە عىلىم ۆيتسە-ءمينيسترى تاحير بالىقباەۆ ءمالىم ەتتى. «ءتيىستى 50 بالدى 56 017 تالاپكەر يگەرە المادى, ەگەر شىعارماشىلىق ەمتيحان تاپسىرعان تالاپكەرلەردى ەسكەرسەك, شەكتىك دەڭگەيگە 47 759 ادام جەتە المادى. ال, 9 ابيتۋريەنت ەڭ جوعارى 100 بالل جينادى», دەدى ول. ۆيتسە-ءمينيستردىڭ ايتۋىنشا, تەستىلەۋدەن سوڭ اپپەلياتسياعا 27 شاعىم تۇسكەن. ونىڭ 24-ءى كەرى قايتارىلىپ, ۇشەۋى قاناعاتتاندىرىلدى. ونىڭ ۇستىنە 46 مىڭ دانا تىيىم سالىنعان زاتتار – كالكۋلياتور, شپارگالكالار تاركىلەنگەن.

بريفينگ بارىسىندا تالاپكەرلەر اسىعا كۇتكەن ءبىلىم گرانتتارىنىڭ دا سانى بەلگىلى بولدى. 23 شىلدەدەن باستاپ 30 ءشىل­دەگە دەيىن مەملەكەتتىك ءبىلىم گرانتتا­رىنا وتىنىشتەر قابىلداۋ جۇرگىزىلۋدە. بيىلعى مەملەكەتتىك تاپسىرىستىڭ كولەمى 34 165, كۇندىزگى وقىتۋ نىسانى بو­يىنشا 31 135 جانە قىسقاشا وقىتۋ بو­يىنشا 500, دايىندىق بولىمىنە 2530 گرانت ءبولىنىپ وتىر. 12 مىڭ گرانت تەحني­كا­لىق ماماندىقتاردىڭ, 5 مىڭ 864-ءى گۋ­مانيتارلىق عىلىمداردىڭ ەنشىسىندە.

ەركەجان ساتىمبەك