كەزدەيسوق جىنىستىق قاتىناس تاقىرىبىنا سويلەسۋ بۇرىننان ۇيات بولىپ سانالدى. قوعامدىق ايىپتاۋ, جاعىمسىز كوزقاراستار, مورالدىق پرينتسيپتەر بۇل تۋرالى سۇراۋلارعا وزىندىك تىيىم سالدى.
سوڭعى جىلدارى نۇر-سۇلتان قالاسىندا ايتۆ ينفەكتسياسىنىڭ جىنىستىق جولمەن بەرىلۋى كوبەيۋدە. جۇمىس تاجىريبەسى كورسەتكەندەي, ايتۆ بار كوپتەگەن ادامدار دياگنوز قويىلعانعا دەيىن بۇل ۆيرۋس تۋرالى تولىق بىلمەيدى. كوبىنەسە ءوزىنىڭ وڭ مارتەبەسىن راستاعان كەزدە عانا ادام ماسەلەنى ءتۇسىنىپ, بارلىق رەسۋرستاردان اقپارات الا باستايدى.
ايتۆ ينفەكتسياسى ادامنىڭ يممۋندىق جۇيەسىنە اسەر ەتەدى جانە دەنەنىڭ قورعانىس قابىلەتىنىڭ كۇرت تومەندەۋىنە اكەلەدى. اۋرۋدىڭ اسقىنۋى جيتس-كە, جۇقتىرىلعان يممۋن تاپشىلىعى سيندرومىنا اكەلەدى. سوندىقتان ءار ادام ءوزىن قورعاۋ ءۇشىن بىرنەشە ەرەجەلەردى ءبىلۋى كەرەك:
- ايتۆ ينفەكتسياسىنىڭ بەرىلۋ جولدارىن ءبىلۋ. ايتۆ قان ارقىلى, ۇرىق سۇيىقتىعى جانە ۆاگينالدى سەكرەتسيا ارقىلى, سونداي-اق جۇقتىرعان انادان بالاعا وتەدى. قاراپايىم ەرەجەلەردى ساقتاساڭىز, ايتۆ ينفەكتسياسىن جۇقتىرۋدىڭ قاۋپى از. جىنىستىق قاتىناس كەزىندە قورعانىس قۇرالدارىن پايدالانۋ, ستەريلدى مەديتسينالىق قۇرالداردى پايدالانۋ جانە ايتۆ-عا جىل سايىنعى تەكسەرۋ اۋرۋدىڭ الدىن الۋعا كومەكتەسەدى;
- قاۋىپتى مىنەز-قۇلىققا جول بەرمەۋ – ەسىرتكى قولدانباۋ, سەرىكتەسىڭىزدىڭ ايتۆ ستاتۋسىن بىلمەسەڭىز, جىنىستىق قاتىناسقا تۇسپەۋ;
- سالاۋاتتى ءومىر سالتىن ۇستانۋ. سپورت, تازا اۋا, سەرۋەندەۋ ءومىر ءۇشىن تاپتىرماس دوس بولۋى كەرەك.
وكىنىشكە قاراي, كەزدەيسوق جىنىستىق قاتىناستاردا كونتراتسەپتسيانى (پرەزەرۆاتيۆتەردى) قولدانۋ وتە سيرەك كەزدەسەدى. سەرىكتەس ءسىز ءۇشىن جاقسى تانىس ەمەس بولعاندىقتان, اۋرۋ جۇقتىرۋدىڭ ارقاشان ۇلكەن قاۋپى بار. ەسىڭىزدە بولسىن, جىنىستىق جولمەن بەرىلەتىن اۋرۋلاردىڭ كورىنەتىن بەلگىلەرى بولماسا دا, بۇل ادامنىڭ ساۋ ەكەنىن بىلدىرمەيدى.
قورىتىندىلاي كەلە, ايتۆ/جيتس تۋرالى اقپارات بارلىعىنا قولجەتىمدى دەپ ايتقىم كەلەدى, بۇل اقپاراتپەن ءتيىستى وقۋلىقتاردا, ينتەرنەت-رەسۋرستاردا, سونداي-اق ءبىزدىڭ سايتتا: www.kazaids.kz جانە Instagram پاراقشاسىندا: aidsastana تانىسۋعا بولادى. ءبىزدىڭ مەكەنجايىمىز: نۇر-سۇلتان قالاسى, ەسەنبەرلين كوشەسى, 5/1.
ا.شىنوبەكوۆا,
«جيتس-ءتىڭ الدىن الۋ جانە وعان قارسى كۇرەس ورتالىعى» مكقك الدىن
الۋ ءبولىمىنىڭ دارىگەرەپيدەميولوگى
