ەلباسى نۇرسۇلتان نازارباەۆ «بولاشاققا باعدار: رۋحاني جاڭعىرۋ» باعدارلامالىق ماقالاسىندا «قازاقستاننىڭ كيەلى جەرلەرىنىڭ گەوگرافياسى» جوباسىن ازىرلەۋگە تاپسىرما بەرگەن ەدى. سودان باستاپ ەلىمىزدىڭ ءار وڭىرىندەگى كيەلى جەرلەر كارتاسى دايىندالدى. «قاسيەتتى قازاقستان» ەنتسيكلوپەدياسىن ازىرلەۋ قولعا الىندى. تاياۋدا ۇلتتىق مۋزەيدە بۇل ەڭبەكتىڭ IV تومى تانىستىرىلدى.
ءبىر ايتا كەتەرلىگى, الدىندا جارىق كورگەن ەنتسيكلوپەديانىڭ ءبىرىنشى تومىنا نۇر-سۇلتان مەن الماتى قالالارىنىڭ جانە اقمولا مەن الماتى وبلىستارىنىڭ, ەكىنشى تومىنا باتىس قازاقستان, اقتوبە, اتىراۋ, ماڭعىستاۋ وبلىستارىنىڭ, ءۇشىنشى تومىنا جامبىل, قاراعاندى, قوستاناي, قىزىلوردا وبلىستارىنىڭ كيەلى جەرلەرى ەنگىزىلگەن. ال جاڭا ءتورتىنشى تومدا پاۆلودار, سولتۇستىك قازاقستان جانە شىعىس قازاقستان وبلىستارىنىڭ قاسيەتتى ورىندارى توپتاستىرىلعان.
«ەنتسيكلوپەديانى قازاقستاننىڭ بارلىق ءوڭىرى قامتىپ, كەزەك-كەزەگىمەن شىعارىپ جاتىرمىز. جيناق ەكى تىلدە – قازاق جانە ورىس تىلدەرىندە دايىندالعان. V تومى شىمكەنت قالاسى مەن تۇركىستان وبلىسىنا ارنالادى. بۇل ەڭبەكتى كەلەسى جىلى شىعارۋدى جوسپارلاپ وتىرمىز» دەيدى «قاسيەتتى قازاقستان» عىلىمي-زەرتتەۋ ورتالىعىنىڭ باسشىسى باتىرحان جۇماباەۆ.
