جاقىندا ەلوردا پروكۋراتۋراسى قىزمەتكەرلەرىنىڭ تەكسەرۋ قورىتىندىسى بويىنشا قالا مەكتەپتەردىڭ بىرىندە بيۋدجەت قاراجاتىن جىمقىرۋ فاكتىسىن انىقتالدى.
وزدەرىنىڭ جەكە مۇددەلەرىن ويلاعان ەسەپشىلەر جەتى جىل بويى شتاتتا جوق ادامدارعا زاڭسىز, استىرتىن جالاقى مەن سىياقى اۋدارىپ كەلگەن.
وسى تۇرعىدا مەملەكەتكە كەلتىرىلگەن شىعىن كولەمى 130 ميلليون تەڭگەدەن اسادى. تەرگەۋ بارىسىندا مەكتەپ قىزمەتكەرلەرى ءوز كىنالارىن تولىق مويىندادى.
سوت ۇكىمىمەن كىنالىلەر 7 جىلعا باس بوستاندىعىنان ايىرۋ جازاسىنا كەسىلدى.
مەملەكەت پايداسىنا كەلتىرىلگەن ماتەريالدىق شىعىن سوتتالعاندار ەسەبىنەن ءوندىرىلدى.
شەتەلدىك كومپانيا وكىلىنەن قوماقتى سومادا اقشا بوپسالاعان الاياق ون جىلعا تەمىر تورعا توعىتىلدى.
ءوزىن مەملەكەتتىك ۆەدومستۆونىڭ شتاتتان تىس قىزمەتكەرى رەتىندە كورسەتە وتىرىپ, ول شەتەلدىك كومپانيا ديرەكتورىنان 180 ميلليوننان اسا اقش دوللارىن تالاپ ەتكەن. ءارى ينۆەستيتسيالاۋ شارتىن جالعان جاساسۋ ماقساتىندا اتالعان قاراجاتتى يەمدەنىپ الۋعا تىرىسقان.
مەملەكەتتىك ايىپتاۋشى-پروكۋرور سوتتالعان ادامنىڭ كىناسىن تولىق دالەلدەدى.
وعان الاياقتىققا وقتالۋ جانە جاۋاپتى مەملەكەتتىك لاۋازىمدى اتقاراتىن ادامدى اسا ءىرى مولشەردە پارا بەرۋگە ايداپ سالۋ كىناسى تاعىلىپ, جازا كەسىلدى.
ۇكىم زاڭدى كۇشىنە ەندى.
ايان ابدىناسىروۆ,
استانا قالاسى پروكۋراتۋراسىنىڭ
باسقارما پروكۋرورى
