كىشكەنتاي سۇلتاندار
استانا قالاسىنداعى رايىمبەك اتىنداعى №50 «قازعارىش» مەكتەپ-ليتسەيىنىڭ 1 «ا» سىنىبىنداعى ەر بالالار اراسىندا «جىگىت سۇلتانى» سايىسى ۇيىمداستىرىلدى.
جەتكىنشەكتەر اراسىنداعى سايىس «مەن قازاقتىڭ ۇلىمىن», «ءبىلىمدار», «ونەرلىنىڭ ءورىسى كەڭ», «جىگىتكە جەتى ونەر دە از» اتالىمدارى بويىنشا ءوتتى. بۇل سايىسقا اتا-انالار بەلسەندىلىك تانىتقانىن ەرەكشە اتاپ وتكەن ءجون.
ءوزارا باسەكەگە تۇسكەن بالالار قارىم-قابىلەتىن جان-جاقتى بايقاتتى. كورىگى قىزعان «جىگىت سۇلتانىندا» بار ونەرىن ورتاعا سالعان ورەندەردىڭ ەشقايسىسى سىي-سىياپاتسىز قالعان جوق. ولاردىڭ قارىمىنا قاراي «شىمىر جىگىت», «سالماقتى جىگىت», «سەرى جىگىت» سىندى اتتار قويىلىپ, العىسحاتپەن ماراپاتتالدى.
«ۇستازى جاقسىنىڭ ۇستانىمى جاقسى» دەگەندەي, وقۋشىلارعا شاتتىق سىيلاپ, وسىنداي شاراعا مۇرىندىق بولعان سىنىپ جەتەكشىسى بايان وسپانوۆا بولاتىن.
سايىستىڭ سوڭىندا قازىلار القاسىنىڭ ءتورايىمى, مەكتەپتىڭ وقۋ-تاربيە جونىندەگى ديرەكتوردىڭ ورىنباسارى الما توكەنقىزىنا ءسوز بەرىلىپ, ونىڭ سوڭى كونتسەرتتىك باعدارلاماعا ۇلاستى.
گۇلميرا جولتاباروۆا,
اتا-انالار كوميتەتىنىڭ ءتورايىمى