ەلورداداعى اباي ەسكەرتكىشى الاڭىندا استانا كۇنىنە وراي قالالىق مادەنيەت, مۇراعاتتار جانە قۇجاتتاما باسقارماسىنىڭ قولداۋىمەن ورتالىقتاندىرىلعان كىتاپحانالار جۇيەسى «وركەنيەتتىڭ قۇت مەكەنى بولعان ۇلى دالا» اتتى كىتاپ جانە پوەزيا مەرەكەسىن وتكىزدى.
بيىلعى شارا اياسىندا قالا كۇنىمەن قاتار, «الاش» پارتياسىنىڭ 100 جىلدىعى, «ەكسپو – 2017» حالىقارالىق مامانداندىرىلعان كورمەسى, قر مەملەكەتتىك رامىزدەردىڭ 25 جىلدىعى مەن بەلگىلى اقىن-جازۋشىلاردىڭ مەرەيتويلارى ۇيىمداستىرىلدى. جينالعاندار الدىمەن حاكىم اتامىزدىڭ ەسكەرتكىشىنە گۇل شوعىن قويدى. ودان كەيىن ەلوردادا دۇبىرلەپ ءوتىپ جاتقان الەمدىك كورمە جايىنداعى ايتۋلى وقيعانى بەينەلەگەن دارىندى جاستاردىڭ قويىلىمىن تاماشالادى. تانىمال ونەرپازدار تامىلجىتىپ ءان شىرقادى. ارقالى اقىندار تەبىرەنىپ ولەڭ وقىدى. قر ءبىلىم بەرۋ ءىسىنىڭ ۇزدىگى, ۇلاعاتتى ۇستاز وسپان سۇلەيمەنوۆ, اقىن اسىلزات ارىستانبەك كوپشىلىككە اقجارما تىلەگىن جەتكىزدى.
– بۇگىن ءبىز كىتاپ جانە پوەزيا مەرەكەسىن 19-شى رەت اتاپ ءوتىپ وتىرمىز. ەلوردادا 18 كىتاپحانا بار. سولاردىڭ ءبارى ءوز ۇلەستەرىن قوسۋدا. جىل باسىنان كورنەكتى اقىندار تولەگەن ايبەرگەنوۆ پەن كاكىمبەك سالىقوۆتىڭ مەرەيتويلارىنا ارناپ ءمۇشايرا وتكىزدىك. وعان استانالىق وقۋشىلار بەلسەندى اتسالىستى. سونىڭ قورىتىندىسىن جاريالاپ, جەڭىمپازداردى ماراپاتتاپ, جاڭا جارىق كورگەن كىتاپتاردى جۇرتشىلىققا ناسيحاتتايمىز, – دەدى ورتالىقتاندىرىلعان كىتاپحانالار جۇيەسىنىڭ ديرەكتورى گۇلبادان مادىباەۆا.
سونىمەن بىرگە شارا بارىسىندا «وركەنيەتتىڭ قۇت مەكەنى بولعان ۇلى دالا» اتتى 20 بولىمنەن تۇراتىن ۇلكەن كىتاپ كورمەسى ءوتتى.
ازامات ەسەنجول
