16 جەلتوقسان – تاۋەلسىزدىك كۇنى 300-دەن استام «Royal Expo» تۇرعىن ءۇي كەشەنىنىڭ ۇلەسكەرلەرىنە كوپتەن كۇتكەن باسپاناسىنىڭ كىلتى تابىستالدى.
«Royal Expo» تۇرعىن ءۇي كەشەنىنىڭ تۇرعىندارى بىرنەشە جىل بۇرىن قونىستانۋى كەرەك ەدى. الايدا ۇزاققا سوزىلۋىنا بايلانىستى ۇلەسكەرلەرگە ءبىراز كۇتۋگە تۋرا كەلدى. وسىعان دەيىن اكىمدىك بەلسەندى قاتىسۋىمەن 150 كوپقاباتتى تۇرعىن ءۇي كەشەنىنىڭ 120-سىنىڭ قۇرىلىسى اياقتالعان بولاتىن. وسىلايشا مىڭداعان وتباسى كوپتەن كۇتكەن پاتەرىنە قونىستاندى.
«ءبىز ءوز تاراپىمىزدان وزگە دە ۇلەسكەرلەردىڭ تەزىرەك باسپانالى بولۋ ماسەلەسىن شەشۋدى جالعاستىرامىز. ال قالعان 15 نىسان بويىنشا (30-دان استام تۇرعىن ءۇي كەشەنى) ساپاسىنا ەرەكشە نازار اۋدارۋدى ءارى قۇرىلىس قارقىنىن جەدەلدەتۋدى تاپسىردىم. قۇرىلىسى ۇزاققا سوزىلعان نىسانداردىڭ اياقتالۋى مەملەكەت باسشىسىنىڭ باقىلاۋىندا» دەپ جازدى استانا قالاسىنىڭ اكىمى جەڭىس قاسىمبەك.
