كۇننىڭ كوزى قىزىپ, تىرشىلىگى جاندانعان شاھاردا شارۋانىڭ دەنىن اباتتاندىرۋ مەن كوگالداندىرۋ جۇمىس تارى قۇرايدى. بەلسەندى تۇرعىندار دەمالىس كۇندەرى قولدارى قالت ەتسە, كوممۋنالدىق قىزمەتكەرلەرگە قولعابىس ەتىپ, قالانىڭ جاسىل جەلەكپەن كومكەرىلۋى ءۇشىن اتقارىلىپ جاتقان ورتاق ىسكە بىلەك سىبانا كىرىسىپ كەتەدى. قازىر قالانىڭ تۇس-تۇسىنان اعاش وتىرعىزىپ, اينالاسىن تازارتىپ جاتقان استانالىقتاردى ءجيى بايقايمىز.
بۇگىندە ەلوردانىڭ ءۇش اۋدانىندا تازالىق جۇمىستارى قىزۋ ءجۇرىپ جاتىر. ماسەلەن, سەنبى كۇنى سارىارقا اۋدانىندا 51 اۋلا قوقىستان تازارتىلدى. بۇعان 200- دەن اسا جۇمىسشى مەن 40-تان استام تەحنيكا جۇمىلدىرىلدى. بۇل اۋدانداعى وسىنداي يگى شارالاردىڭ بىرىنە ش.قوسشىعۇلۇلى كوشەسىندە كۋا بولدىق. دەمالىس كۇندەرى بۇل ماڭايدا 383 اعاش وتىرعىزىلدى.
مۇنداي ءىستىڭ باسىنان سارىارقا اۋدانىنىڭ اكىمى ارمان تۇرلىبەكتىڭ ءوزى تابىلىپ, جاستاردى باستاپ كەلگەن استانا قالاسى ءماسليحاتىنىڭ دەپۋتاتى سايات باتپەنوۆ, قالالىق جاستار ساياساتى ماسەلەلەرى باسقارماسىنىڭ باسشىسى اسحات ورالوۆ, «جاس وتان» جاستار قاناتىنىڭ توراعاسى مۇحامەدجان بولىسبەك اتسالىستى. اباتتاندىرۋ جۇمىستارىنىڭ اياسىندا اۋلالارداعى بالالار الاڭى مەن فۋتبول الاڭدارىن جانە گۇلزارلاردى رەتكە كەلتىرۋگە باسا كوڭىل ءبولىنىپ جاتىر. اعىمداعى جىلدىڭ باسىندا الماتى اۋدانىندا 125 اۋلانى اباتتاندىرۋ جوسپارلانىپتى. سونىڭ ىشىندە عابدۋللين كوشەسى 4/1, تاۋەلسىزدىك داڭعىلى 6/2, ش.قۇدايبەردىۇلى كوشەسى 24/1, ابىلاي حان داڭعىلى 10, ت.حۋسەين كوشەسى 13/2 ۋاليحانوۆ كوشەسى 1 جانە ج.جيرەنتاەۆ كوشەسى 16/1 ماڭىنداعى تۇرعىندار تىنىعاتىن 8 قوعامدىق ايماق قالپىنا كەلتىرىلىپ جاتىر. بۇل جۇمىستار شىلدە ايىنىڭ سوڭىنا دەيىن اياقتالادى.
سونداي-اق, عابدۋللين كوشەسى 4/1 جانە باراەۆ كوشەسى 13 ۇيلەردىڭ اراسىنداعى فۋتبول الاڭى جوندەلۋدە. وعان قوسا, الماتى اۋدانىنىڭ 48 ايماعىندا بالالار الاڭىنىڭ مۇمكىندىكتەرى ارتا تۇسپەك. مىسالى, 168 جاتتىعۋ قۇرالدارى ورناتىلىپ, 4 سپورت الاڭى جاڭادان جاساقتالسا, 55 سپورت الاڭىنا جوندەۋ جۇرگىزىلەدى. «وڭىرلەردى دامىتۋ-2020» مەملەكەتتىك باعدارلاماسىنىڭ شەڭبەرىندە سارايشىق شاعىن اۋدانىندا اباتتاندىرۋ جۇمىستارى قولعا الىندى. مۇندا 6 سپورت الاڭى باستان-اياق جوندەلىپ, 22 بالالار الاڭى كەڭەيتىلەدى جانە 3 گيمناستيكالىق الاڭ پايدا بولادى. سونىمەن قاتار, جالپى ۇزىندىعى 4500 مەترگە سوزىلاتىن كوگالمەن كوم- كەرىلگەن بالالاردىڭ ويىن الاڭدارى قۇرىلادى.
ال ەسىل اۋدانىندا «ەلدى مەكەن- دەردى اباتتاندىرۋ جانە كوگالداندىرۋ» باعدارلاماسى بويىنشا جۇمىستار جالعاسىن تاۋىپ جاتىر. ءساۋىر ايىنىڭ 11-ىنەن باستاپ بۇل اۋداندا اباتتاندىرۋ شارۋالارى ايرىقشا اتقارىلۋدا. وعان 16 بريگادا مەن 185 ادام بىرىكتىرىلدى. جۇمىستاردىڭ دەنى «بايتەرەك» مونۋمەنتى, «اراي» ساياباعى, «استانا وپەرا» تەاترى ماڭايىندا جانە اقور- دانىڭ شەتىندەگى ەسىل وزەنىنىڭ جاعاسىندا, «ەكسپو-2017» كورمەسى وتەتىن اۋداندا قارقىندى جۇرگىزىلۋدە. سونىمەن قاتار, سول جاعالاۋداعى اۋداندا ورامىشىلىك جولداردىڭ جوندەلۋىنە ەرەكشە كوڭىل بولىنۋدە. قازىر «ينفينيتي 1» جانە «ينفينيتي 2» تۇرعىن ۇيلەرىندە جاياۋ جۇرگىنشىلەر تروتۋارلارىن رەتتەپ جاتىر. وعان قوسا, «مەرۋەرت», «تۇلپار», «سارمات» تۇرعىن ۇيلەرىنىڭ ورامىشىلىك جولدارى قالپىنا كەلتىرىلۋدە. جالپى, بيىل بيۋدجەتتىك باعدارلامانىڭ شەڭبەرىن- دە 18 اۋلا اراسىنداعى جولداردى جوندەۋ جوسپارلانعان.
ورىنبەك وتەمۇرات
