تاۋەلسىزدىكتىڭ 30 جىلدىق مەرەيتويى اياسىندا «كوكتال-2» تۇرعىن الابىندا دەنە شىنىقتىرۋ-ساۋىقتىرۋ كەشەنى سالتاناتتى جاعدايدا اشىلدى. وعان سارىارقا اۋدانىنىڭ اكىمى ەسەت بايكەن, نۇر-سۇلتان قالاسى ءماسليحاتىنىڭ دەپۋتاتتارى, اۋدان تۇرعىندارى قاتىستى. اق جاۋلىقتى انالارىمىز قازاقتىڭ داستۇرىمەن شاشۋ شاشتى. اشىلۋ سالتاناتى بالالار اراسىندا «كوڭىلدى ستارت» جارىسىنا جالعاستى.
اۋدان اكىمى بايكەن ەسەت قاتىسۋشىلاردى تاۋەلسىزدىك مەرەيتويىمەن قۇتتىقتاپ, ونىڭ قۇندىلىعى, جەلتوقسان جاستارىنىڭ ازاتتىق ءۇشىن ارپالىسى تۋرالى ايتىپ, ءجاسوسپىرىم سپورتشىلارعا ساتتىلىك تىلەدى.
– ەلىمىز بارلىق جەتىستىكتەرگە تاۋەلسىزدىكتىڭ ارقاسىندا جەتى. وسىدان تۋرا 35 جىل بۇرىن قازاقتىڭ رۋحتى جاستارى ەگەمەندىك ءۇشىن الاڭعا شىقتى. قىسقا عۇمىر كەشسە دە, ازاتتىق جولىندا ومىرلەرىن قيسا دا, سوڭىنا وشپەس رۋحتارىن قالدىرىپ كەتتى. 30 جىل ىشىندە ەلىمىز دامىعان ەلدەرمەن تەرەزەسىن تەڭەستىرىپ, كەرەگەسىن كەڭەيتتى.
قۇرمەتتى جارىسقا قاتىسۋشى, جاس ورەندەر! سىزدەر ەلىمىزدىڭ بولاشاعىسىزدار! تاۋەلسىزدىگىمىزدىڭ باياندى بولۋى دا – سىزدەردىڭ قولدارىڭىزدا. بۇگىنگى جارىستا بارلىعىڭىزعا ساتتىلىك تىلەيمىن! – دەدى اۋدان باسشىسى.
«كوڭىلدى ستارتقا» 10-13 جاس ارالىعىنداعى 40 بالادان تۇراتىن ءتورت كوماندا قاتىستى. جارىس ەستافەتا, ءتۇرلى كەدەرگىلەردەن ءوتۋ, جۇگىرۋ سياقتى كەزەڭدەردەن تۇردى. جارىس قورىتىندىسىندا «دوستىق جەڭىپ», بارلىق قاتىسۋشىلارعا سىيلىقتار تاراتىلدى. بالالار اراسىندا بۇقارالىق سپورتتى دامىتۋ ماقساتىندا اتالمىش شارالار الداعى ۋاقىتتا دا ۇيىمداستىرىلاتىن بولادى.
جالپى سارىارقا اۋدانىندا اشىلعان دەنە شىنىقتىرۋ-ساۋىقتىرۋ كەشەنىندە بۇقارالىق سپورتتى دامىتۋ ماقساتىندا بىرنەشە سەكتسيا اشىلدى. بۇگىنگى كۇنى مۇندا ۆولەيبول, گاندبول, سامبو, كاراتە-دو, قازاقشا كۇرەس, كۋكۋشەنكاي كاراتە, كيكبوكس سياقتى سپورتتىق ۇيىرمەلەرگە 100-گە جۋىق بالا بارادى.
سونىمەن قاتار وسى اۋدانداعى «اگروقالاشىق» تۇرعىن الابىنداعى «مەدينا» تۇرعىن ءۇي كەشەنىندە جاڭادان «AQAN SERI» اتتى بالالاردى دامىتۋ ورتالىعى اشىلعان. بۇل ورتالىقتا ارنايى ماتەماتيكا, اعىلشىن ءتىلى, دومبىرا, حورەوگرافيا, گيمناستيكا, توعىزقۇمالاق, شاحمات ۇيىرمەلەرى جۇمىس ىستەپ جاتىر. قالانىڭ شەتكى ايماقتارىندا اشىلىپ جاتقان دەنە شىنىقتىرۋ-ساۋىقتىرۋ كەشەندەرى مەن وسىنداي ورتالىقتار تۇرعىن الاپتاردى دامىتۋمەن قاتار سوندا تۇراتىن بالالاردىڭ سپورتتىق جانە شىعارماشىلىق دامۋىنا جاعداي جاساپ وتىر.
