كوكتالعا جاڭا اۆتوبۋس قاتىنايدى
16 قاراشادان باستاپ «كوكتال» تۇرعىن الابىنا №71 اۆتوبۋس قاتىنايتىن بولادى, دەپ حابارلايدى استانا قالاسى اكىمدىگىنىڭ مەديا ورتالىعى.
«كوكتال-2» تۇرعىن الابىنا «METRO» گيپەرماركەتى باعىتى بويىنشا جۇرەتىن №71 باعدارىندا جاڭا ىڭعايلى «Iveco» ماركالى اۆتوبۋستار قىزمەت كورسەتەدى.
استانا قالاسىنىڭ جولاۋشىلار كولىگى باسقارماسىنىڭ مالىمەتىنە سايكەس, №71 باعداردىڭ ءجۇرۋ سىزباسى وزگەرەدى. ناقتىراق ايتساق, اۆتوبۋستىڭ «كوكتال-2» تۇرعىن الابىنىڭ باستاپقى نۇكتەسىنەن م.جۇماباەۆ پەن وباعان كوشەلەرىنىڭ قيىلىسىنا دەيىنگى باعىتى وزگەرىسسىز قالادى. ال م.جۇماباەۆ كوشەسىمەن تۋرا سولعا – بالقانتاۋ كوشەسىنە بۇرىلىپ, ودان ءارى قاراي ادەتتەگىدەي جۇرەدى. كەرى باعىتتا بۇرىنعى جولىنان اينىمايدى.
16 قاراشادان باستاپ «دوستىق» ودو – «استانا جۇلدىزى» سىنتاسى باعىتىنداعى №18 باعدارى بويىنشا اۆتوبۋستار سانى ون التىدان جيىرماعا كوبەيىپ, قاتىناۋ جيىلىگى 11 مينۋتتان 9 مينۋتقا دەيىن قىسقارادى.