21 قازاننان باستاپ كولىكتەردىڭ ەرەجەسىز توقتاۋ جانە توقتاپ تۇرۋ فاكتىلەرى اۆتوماتتى تۇردە تىركەلەدى. ياعني كولىكپەن كەز كەلگەن جەردە توقتاپ تۇرساڭىز, مامانداندىرىلعان كولىك قۇرالدارىنداعى «دوزور-م» سەرتيفيكاتتالعان اپپاراتتىق-باعدارلامالىق كەشەنى ونى اۆتوماتتى رەجيمدە تىركەيتىن بولادى. بۇدان بىلاي كولىك قۇرالدارىنىڭ توقتاۋ نەمەسە توقتاپ تۇرۋ قاعيدالارىن بۇزۋ, سونداي-اق توقتاۋعا جانە توقتاپ تۇرۋعا تىيىم سالاتىن جول بەلگىلەرىنىڭ تالاپتارىن ساقتاماۋ قاتاڭ قاداعالاناتىن بولدى. 
«دوزور-م» سەرتيفيكاتتالعان اپپاراتتىق-باعدارلامالىق كەشەنى قۇقىقبۇزۋشىلىق جاسالعان كولىك قۇرالدارىنىڭ نومىرلەرىن تانيدى جانە تىركەيدى, GPS⁄گلوناسس كومەگىمەن ناقتى ورىن مەن ۋاقىتىن انىقتايدى. كەيىن بۇل بۇزۋشىلىقتار تۋرالى مالىمەت ۇيالى بايلانىس مودۋلدەرى ارقىلى كەلىپ تۇسەدى, وسى دەرەكتەر نەگىزىندە اكىمشىلىك ايىپپۇلدار راسىمدەلەدى. كەشەن انىقتاعان بۇزۋشىلىق فاكتىلەرى ءۇشىن قر اكىمشىلىك قۇقىق بۇزۋشىلىق كودەكسىنىڭ 601-بابىنىڭ 1-بولىگى بويىنشا 3 اەك (8 334 تەڭگە) مولشەرىندەگى ايىپپۇل تۇرىندە اكىمشىلىك جاۋاپكەرشىلىك قاراستىرىلعان. كولىك قۇرالدارىنىڭ توقتاۋ نەمەسە توقتاپ تۇرۋ قاعيدالارىن بۇزعانى ءۇشىن كودەكستىڭ 597-بابى بويىنشا بۇزۋشىلىققا بايلانىستى 5-تەن 10 اەك-كە دەيىنگى مولشەردە ايىپپۇل سالىنادى» دەپ حابارلادى نۇر-سۇلتان قالاسىنىڭ پوليتسيا دەپارتامەنتى.
بيىل نۇر-سۇلتان قالاسى پد قىزمەتكەرلەرى كولىك قۇرالدارىنىڭ توقتاۋ نەمەسە توقتاپ تۇرۋ قاعيدالارىن بۇزۋ فاكتىسى بويىنشا 3 858, جول ءجۇرۋ بولىگىندەگى تالاپتاردى ساقتاماۋ بويىنشا 8878 جۇرگىزۋشىنى اكىمشىلىك جاۋاپقا تارتقان. جۇرگىزۋشىلەر كولىكتەرىن تىيىم سالىنعان جەرلەردە قالدىرادى, وسىلايشا جولدا اپاتتى جاعدايلار, «كەپتەلىستەر» جانە باسقا دا قولايسىزدىقتار تۋعىزادى.
