كومىر نارىعى ۇدايى باقىلاۋدا

كومىر نارىعىنداعى جاعداي استانا قالاسى اكىمدىگىنىڭ باقىلاۋىندا, دەپ حابارلايدى ەلوردا اكىمدىگىنىڭ مەديا ورتالىعى.

بۇل تۋرالى كەشە اكىمدىكتىڭ اپپارات جيىنىندا استانا قالاسى اكىمىنىڭ ورىنباسارى ماليكا بەكتۇروۆا مالىمدەدى.
– استانادا كومىرگە قاتىستى جاعداي تۇراقتى. قورعالجىن, سابىندى, ارشالى, ماكسيموۆكا سياقتى استانا ماڭىنداعى اۋىلدار مەن ەلدى مەكەندەر كومىردى بىزدەن الادى دا, كەيىن ونى جەرگىلىكتى جەردە ساتادى. بۇعان سول اۋىلدار مەن اۋدانداردا ءتيىستى تەمىرجول تۇيى­عى ستانسالارىنىڭ جوق­تىعى سەبەپ. ولار ءۇشىن كومىردى استانادان الىپ, وزدەرىنە اپارىپ ساتقان ءتيىمدى. كۇن سايىن استاناعا جەتكىزىلەتىن 88 ۆاگون كومىر تولىعىمەن ساتىلىپ كەتىپ جاتىر, – دەدى ماليكا بەكتۇروۆا.
استانا قالاسى اكىمى ورىنباسارىنىڭ ايتۋىنشا, بۇگىنگى تاڭدا قا­لا­دان تىسقارى ەلدى مەكەن-
­دەردەن اعىلاتىن كو­لىك­تەر سانى ايتارلىقتاي قىسقارعان. بۇرىنعىداي ۇزاق-سونار كەزەك بايقالمايدى. قتج, ERG, قازاقمىسپەن كومىردى جەتكىزۋگە قاتىستى ماسەلەلەر تولىق­تاي شە­شىلگەن.
وسى رەتتە استانا اكىمى اسەت يسەكەشەۆ ءتيىستى باسقارما باسشىلارىنا كومىرگە قاتىستى جاعدايدى ۇدايى باقىلاۋدا ۇستاۋدى تاپسىردى.

دەرەك پەن دايەك

كۇن سايىن­عى مونيتورينگ مالىمەتتەرىنە سايكەس, بۇگىندە استانادا قاتتى وتىننىڭ 6015 تونناسى بار. ونىڭ
3105 تونناسى – شۇباركول, 1 400 تونناسى – قاراجىرا, 1 140 تونناسى – مايكوبە.