كوممۋنالدىق تەحنيكا كوبەيدى
![](https://astana-akshamy.kz/wp-content/uploads/2023/10/akim-tehnika-1-780x470.jpg)
قالا اكىمى جەڭىس قاسىمبەك استاناداعى قار كۇرەۋ تەحنيكالارىنىڭ قىسقا دايىندىعىن تەكسەردى.
– كوممۋنالدىق قىزمەتتەر پاركىن جاڭارتۋ بويىنشا تۇراقتى نەگىزدە جۇمىس ىستەيمىز. ماسەلەن, الداعى ايلاردا باس قالاعا تاعى 30-عا جۋىق قىسقى ارنايى تەحنيكا مەن جابدىق جەتكىزىلەدى. كوممۋنالدىق قىزمەتكەرلەر كۇندىز دە, تۇندە دە, كەز كەلگەن اۋا رايىندا جۇمىس ىستەيدى. ولاردىڭ قيىن ءارى جاۋاپتى جۇمىسىنىڭ ارقاسىندا قالامىزدا تازالىق پەن ءتارتىپ ساقتالادى, – دەدى قالا اكىمى.
اكىم كوممۋنالدىق قىزمەتكەرلەردىڭ جالاقى ماسەلەسىنە دە توقتالدى. «كوممۋنالدىق قىزمەتكەرلەرگە سىياقى بەرىلەدى, سونداي-اق «استانا تازالىق» جشس ولاردىڭ جالاقىسىن كوتەرۋ ماسەلەسىن پىسىقتاپ جاتىر. كوممۋنالدىق قىزمەت ماماندارىنا ەڭبەگى ءۇشىن العىس بىلدىرەمىن! سىزدەردىڭ جۇمىس ىستەۋلەرىڭىزگە قولايلى جاعداي جاساۋدى ءارى قاراي جالعاستىرامىز» دەدى جەڭىس قاسىمبەك.