ەركەعالي راحماديەۆ اتىنداعى مەملەكەتتىك اكادەميالىق فيلارمونيادا كومپوزيتور عازيزا
جۇبانوۆانىڭ مەرەيتويىنا ارنالعان كەش ءوتتى. مەرەيتويلىق ءىس-شاراعا عازيزا جۇبانوۆانىڭ
تۋىستارى مەن جاقىندارى, مادەنيەت قايراتكەرلەرى قاتىستى. تىڭدارماندار سيمفونيالىق وركەستر مەن ورىنداۋشىنىڭ ءاربىر كونتسەرتتىك نومىرىنە ەرەكشە ىقىلاس ءبىلدىردى.
– ۇجىمعا عازيزا جۇبانوۆا سىندى اسقان شەبەردىڭ تۋىندىلارىن ورىنداۋ – ۇلكەن مارتەبە. سەبەبى ورىنداۋشىلارعا
عازيزا احمەتقىزىنىڭ مۋزىكاسى ۇلكەن شابىت بەرەدى, – دەدى سيمفونيالىق وركەستردىڭ كوركەمدىك
جەتەكشىسى بەرىك باتىرحان.
وركەسترمەن فورتەپيانوعا ارنالعان كونتسەرتتى عازيزا جۇبانوۆانىڭ نەمەرەسى كارينا يزمايلوۆا ورىندادى. مەكتەپ جاسىندا ول اجەسىنىڭ پەسالارىن ويناپ, ماسكەۋ كونسەرۆاتورياسىندا شىعارمالارىن ورىنداعان.
– فيلارمونيادا اجەم
عازيزا جۇبانوۆانىڭ 95 جىلدىعىنا ارنالعان كونتسەرت وتەتىنىنە وتە قۋانىشتىمىن. بۇل مەرەيتويدى بۇكىل قازاقستان بويىنشا اتاپ ءوتۋ – مۋزىكا الەمىندەگى ۇلكەن وقيعا, – دەدى ول.
كەش بارىسىندا «مەرەكەلىك ۋۆەرتيۋرا», «سارىوزەك مەتافورالارى», №3 سيمفونياسى جانە وركەسترمەن فورتەپيانوعا ارنالعان كونتسەرت ورىندالدى.
