كونە دۇنيەنىڭ كورمەسى
كەشە قر تۇڭعىش پرەزيدەنت مۇراجايىندا «ۇلت جاۋھارلارى» اتتى كونە زەرگەرلىك بۇيىمدار كورمەسى اشىلدى.
«ادەمى-اي» ونەر مۇراجايىنىڭ جيناقتارىنا ەنەتىن اتالمىش كورمە قازاقستاننىڭ تاريحي-مادەني مۇراسىن ناسيحاتتاپ, كوپشىلىككە جاريا ەتۋ ماقساتىندا ۇيىمداستىرىلىپ وتىر. بۇعان دەيىن ەلباسى نۇرسۇلتان نازارباەۆ كوللەكتسيا يەسى, «ادەمى-اي Plus» كومپانياسىنىڭ پرەزيدەنتى باحارگۇل تولەگەنمەن كەزدەسىپ, ونىڭ قازاق حالقىنىڭ مادەني مۇراسىن ساقتاۋ مەن زەرتتەۋ قىزمەتىنە جوعارى باعا بەرگەن بولاتىن.
2011 جىلى بەلگىلى ونەرتانۋشى باحارگۇل تولەگەننىڭ باستاماسىمەن اشىلعان ونەر مۇراجايىندا بۇگىندە 1000-نان استام جادىگەر بار. كورمەگە سول ەكسپوزيتسيالاردان ءبىزدىڭ زامانىمىزدان بۇرىن ءىىى-ءى عاسىرلارعا جاتاتىن كۋشان پاتشالىعىنىڭ ارحەولوگيالىق ارتەفاكتىلەرى مەن ءVى-ءحىى ع. جاتاتىن تاريحي قۇندى دۇنيەلەر قويىلعان. سونىمەن بىرگە, «ادەمى-اي» كومپانياسىنىڭ ساندىك-قولدانبالى ونەر بۇيىمدارى مەن قازاقتىڭ ۇلتتىق كادەسىيلارىن تاماشالاۋعا زور مۇمكىندىك بار.
ءمادينا جاقىپ