ەڭ كونە ەلوردالىق ونەر وشاعى – م.گوركي اتىنداعى ورىس دراما تەاترى. تەاتردىڭ 119 جىلدىق تاريحى ونەر مايتالماندارىنىڭ تالماي ەڭبەكتەنۋىنەن باستاۋ الادى. وسى ورايدا اتالمىش تەاتردىڭ قالاي جانە قاشان قۇرىلعانىنا توقتالۋدى ءجون كوردىك.
1899 جىلى اقمولادا دراما ونەرىن سۇيەتىن قاۋىم مەن جەرگىلىكتى كوپەستەردىڭ ارقاسىندا تەاتر اشىلىپ, كوپ ۇزاماي ول قالا تۇرعىندارى اراسىندا اسقان تانىمالدىلىققا يە بولدى. ال تەاتردىڭ شتاتى 1920-جىلداردىڭ باسىندا عانا تولىقتاي جاساقتالعان.
1940 جىلى اقمولا تەاترى الدىڭعى قاتارداعى شىعارماشىلىق ۇجىمعا اينالدى. تەاتر ترۋپپاسىندا بۇرىنعى الجير قاماۋىندا بولعان ايەلدەر دە جۇمىس ىستەدى. 1943 جىلدان باستاپ قازاق ءبولىمى ءوز جۇمىسىن باستادى. وسى كەزەڭدەگى العاشقى قويىلىم – عابيدەن ءمۇستافيننىڭ «قوزى كورپەش پەن بايان سۇلۋ» پەساسى بويىنشا قويىلعان «جارىس» سپەكتاكلى بولدى.
1959 جىلدان باستاپ تەاترعا ماكسيم گوركيدىڭ ەسىمى بەرىلدى. 1970-1980-جىلدار زور شىعارماشىلىق تابىسقا تولى بولدى.
