جاڭا قوعامدىق كەڭىستىك «سامال» شاعىن اۋدانى جاعىندا, ەسىل وزەنىنىڭ جاعالاۋىنداعى قابانباي باتىر داڭعىلىنداعى كوپىر استىندا اباتتاندىرىلادى.
وندا ساحنا مەن ويىن ايماعىنا ارنالعان قۇرىلىمدار ورناتىلعان. «ادامدارعا ارنالعان قالا» تۇجىرىمداماسى اياسىندا قولجەتىمدى كەدەرگىسىز ورتا قۇرىلادى. كوپىردىڭ استىندا جاياۋ جۇرگىنشىلەردىڭ ءجۇرۋى ءۇشىن پاندۋس ورناتىلادى. ايتا كەتەيىك, جاعالاۋ بويىنداعى ۆەلوجول ەلوردانىڭ بارلىق ساياباقتارىن بايلانىستىرادى.
ماستەر-جوسپارعا سايكەس, بوس اۋماقتا كولەڭكەلى شاتىرلار, تەاترلاندىرىلعان قويىلىمدار, كونتسەرتتەر مەن شىعارماشىلىق ەكسپەريمەنتتەر ءۇشىن يمپروۆيزاتسيالانعان ساحنا ورناتۋ جوسپارلانىپ وتىر.
جاڭا قوعامدىق كەڭىستىكتە اشىق اسپان استىندا كونتسەرتتەر وتكىزىپ, تاماقتانۋ ورىندارىن ورناتۋ جوسپارلانۋدا. سونداي-اق مۇندا تىنىش دەمالۋعا ارنالعان ورىندار مەن اتكەنشەكتەرى بار ويىن الاڭى اشىلادى.
