گۇلبارام تۇگەلباەۆا:
– وتە دۇرىس پىكىر. ءوزىمىز وسىنداي اقىل-وي دەڭگەيىن بايقاتاتىن ويىندى ءتاۋىر كورىپ قارايمىز. ءوز باسىم اناۋ بەرىلگەن سۇراقتىڭ جاۋابىن بىلەم بە دەپ ءوزىمدى تەكسەرىپ وتىرامىن. اجەپتاۋىر سوما تىگىلگەننەن كەيىن ويىنعا بىردەڭە بىلەتىندەردى قاتىستىرۋ كەرەك قوي. قاراپايىم سۇراقتارعا جاۋاپ بەرە الماي قينالعانداردى كورگەندە ارقام قۇرىسىپ, جۇيكەم توزادى. راس, ناداندىعىمىز ايقىن كورىنەدى. «قىزىق ەكەن» باعدارلاماسىنا دا قاتىسۋشىلار ونەر ادامدارى بوپ كەلەدى دە, ءدال ونەرگە قاتىستى سۇراقتى بىلمەيتىندەرى كۇيدىرەدى-اۋ. تىنىمباي نۇرماعامبەتوۆتەي ۇلكەن جازۋشىنى دراما جازعان جوق, ول – اقىن, الىپ تاستايىق» دەگەندە جازۋشى ءۇشىن ۇيالدىم. مەملەكەتتىك سىيلىققا لايىق جازۋشىنى انگە جازىلعان ولەڭدەرى كوپ تۇمانباي مولداعاليەۆ اعامىزبەن شاتاستىردى-اۋ دەيمىن. تۋرا تاپپاسا دا, لوگيكاسى دۇرىس بوپ, ماڭايلاسا, ونىڭ ءوزى دە بىلگەندىك بولار ەدى… كورەتىن دۇنيە از بولعان سوڭ, امال جوق, كورەمىز, بىراق…
