ەلوردادا ەكى مارتە كەڭەس وداعىنىڭ باتىرى, اتى اڭىزعا اينالعان ۇشقىش تالعات بيگەلدينوۆتىڭ 100 جىلدىعىنا وراي «ۇلى وتان سوعىسى جىلدارىنداعى قازاقستان» اتتى كوشپەلى كورمە ءوتتى.
مەملەكەتتىك اسكەري-تاريحي مۋزەيى ۇيىمداستىرعان كورمە قوناقتارى ۇلى وتان سوعىسىنا قاتىسقان قازاقستاندىقتاردىڭ جەكە زاتتارىمەن, ارحيۆتىك قۇجاتتارمەن جانە تاعى باسقا جادىگەرلەرمەن تانىستى. بۇل قاتاردا تالعات بيگەلدينوۆتەن قالعان جادىگەرلەر دە بولدى.
ەكى جىل ىشىندە ول يل-2 شابۋىلداۋشى ۇشاعىمەن 305 مارتە ۇشقان. وعان ەڭ جاۋاپتى دەگەن, ماسەلەن, پلاتسدارمداردى, جاۋدىڭ بەكىنىستەرىن جويۋ سەكىلدى جاۋىنگەرلىك تاپسىرمالار جۇكتەلدى. قيان-كەسكى شايقاستاردا ەرجۇرەك ۇشقىش جاۋدىڭ جەتى ۇشاعىن اتىپ ءتۇسىردى. ول بەرلين اسپانىنا ءبىرىنشى بولىپ بارلاۋ جۇرگىزدى. جوعارعى قولباسشىلىق قازاق حالقىنىڭ باتىر ۇلىنا توعىز رەت العىس جاريالادى.
