سوڭعى كۇندەردەگى كۇننىڭ كۇرت سۋىتۋى قىستىڭ جاقىنداپ قالعانىن ءبىلدىرىپ تۇرعانداي. ۇشقىنداعان قار ەرىگەن كەزدە كوكتايعاقتان كولىك تۇگىلى جاياۋ جۇرگىنشىلەرگە دە اياق الىپ ءجۇرۋدىڭ ءوزى وڭايعا سوقپاسى انىق.
باس قالامىزدا كولىكتەر مەن جاياۋ جۇرگىنشىلەرگە كوكتايعاق جايسىزدىق تۋدىرماس ءۇشىن كوشە تازالايتى
ن تەحنيكالار تاس ءتۇيىن دايىن بولىپ شىقتى.
بۇل تۇرعىدا استانا اكىمى اسەت يسەكەشەۆ فەيسبۋك الەۋمەتتىك جەلىسىندەگى ءوزىنىڭ پاراقشاسىندا ەلوردا تۇرعىندارى مەن قالا قوناقتارىن كوكتايعاقتا اباي بولۋعا شاقىرىپ, كوشە تازالايتىن قوسىمشا تەحنيكالاردىڭ جۇمىلدىرىلاتىنىن جاريالاعان.
«قۇرمەتتى استانا تۇرعىندارى مەن قالا قوناقتارى!
كۇن سۋىتىپ, قار جاۋىپ, كوكتايعاق بولۋىنا بايلانىستى سىزدەرگە جولدا اباي بولۋ كەرەكتىگىن ەسكەرتەمىز. ءجۇرۋ باعىتتارىڭىزدى الدىن الا جوسپارلاۋدى سۇرايمىز. اۋا رايىنىڭ قولايسىزدىعىنا بايلانىستى بارلىق قالالىق قىزمەتتەر, كوممۋنالدىق ۇيىمدار كۇشەيتىلگەن جۇمىس رەجيمىنە كوشتى. ارنايى تەحنيكا جولداردى تازارتۋعا شىعارىلدى, مۇزدى ەرىتەتىن رەاگەنتتەر پايدالانىلۋدا. كوشەدە اباي بولىڭىزدار!» دەلىنگەن قالا اكىمىنىڭ الەۋمەتتىك جەلىدەگى جازباسىندا.
وسى ورايدا باس قالانىڭ نەگىزگى كوشەلەرىن تازالاۋمەن اينالىساتىن «استانا تازالىق» جشس باس ديرەكتورىنىڭ سانيتارلىق تازالاۋ جونىندەگى ورىنباسارى مارات سۇلەيمەنوۆپەن حابارلاسىپ, ءمان-جايدى بىلگەن ەدىك. ءدال قازىرگى ۋاقىتتا كوشە تازالىعىنا 281 جول جۇمىسشىسى جۇمىلدىرىلسا, تەحنيكا بىرلىگى 126-نى قۇرايدى ەكەن. سونىڭ 9-ى تروتۋار تازالايتىن ماشينالار بولسا, 7-ءۋى جۇكتى وزدىگىنەن تۇسىرەتىن كولىكتەر (ساموسۆال), 5-ءۋى فرونتال تيەۋىشتەر, 54-ءى سىپىرىپ جيناعىش ماشينالار, 9-ى قۇم شاشقىش كولىكتەر, 13-ءى سىپىرىپ ۆاكۋمداۋ تەحنيكالارى, 23-ءى سۋدى تارتىپ شىعارۋعا ارنالعان ۆاكۋمدىق ماشينالار, 2-ءى كارىز تازالاعىش ماشينالار, 1-ءى تەلەينسپەكتسيا, ەندى 1-ءى سورعىش تراكتورى, 2-ءۋى موتوپومپا تەحنيكالارى ەكەن. «استانا تازالىق» جشس-ءنىڭ ەسىل اۋدانى بويىنشا سانيتارلىق تازالاۋ جونىندەگى اتقارۋشى ديرەكتورى تولەگەن ورازباەۆتىڭ مالىمەتىنە سۇيەنسەك, مۇنداعى تازالىقشىلار كۇن-ءتۇن دەمەي جۇمىس ىستەيدى. كۇندىزگى رەجيمنەن بولەك تۇنگى ساعات 12.00-دەن تاڭعى 8.00-گە دەيىن سىپىرىپ تازالاعىش تراكتورلار مەن قۇم شاشقىش تەحنيكالار دا كوشە تازالىعىنا دامىلسىز قىزمەت كورسەتەدى ەكەن.
نۇرداۋلەت كاكىشەۆ
