الداعى بەس-التى جىلدا ەلوردانىڭ بىرقاتار كوشەلەرىنىڭ كەلبەتىن وزگەرتۋ جوسپارلانىپ وتىر. جاقىندا قابىلدانعان نۇر-سۇلتان قالاسىنىڭ 2020-2025 جىلدارعا ارنالعان اباتتاندىرۋ باعدارلاماسىنا سايكەس ءبىرىنشى كەزەڭدە جالپى اۋدانى 24,75 شاقىرىم جاڭعىرتىلماق. ءتيىستى جوبانى قالالىق ساۋلەت, قالا قۇرىلىسى جانە جەر قاتىناستارى باسقارماسى «فەيسبۋكتەگى» پاراقشاسى ارقىلى تۇرعىنداردىڭ تالقىسىنا شىعاردى. بۇل تۋرالى گازەتىمىزدىڭ وتكەن ساندارىنىڭ بىرىندە جازعانبىز. سوندا قالا اكىمدىگى الدىنداعى ورتالىق الاڭ اۋماعى مەن بەيبىتشىلىك كوشەسى, بوگەنباي باتىر داڭعىلى قالاي وزگەرەتىنىمەن تانىستىردىق. بۇل باعدارلاماعا «ەۆرازيا» ساۋدا ءۇيىنىڭ اينالاسى دا كىرىپ وتىر.
باعدارلاما بويىنشا «ەۆرازيا» ماڭايىنداعى سافاربەكوۆ, پەتروۆ, قاجىمۇقان, جيرەنتاەۆ كوشەلەرى مەن تاۋەلسىزدىك داڭعىلى, تۇتاستاي العاندا ۇزىندىعى 15 شاقىرىمدى الاتىن اۋماق جاڭعىرتىلماق. كوشەلەردى وزگەرتۋ بويىنشا ەڭ اۋقىمدى جۇمىس وسى اۋداندا جۇرگىزىلمەك. سالىستىرمالى تۇردە العاندا, بەيبiتشiلiك كوشەسىنىڭ 2 شاقىرىمى, بوگەنباي باتىر داڭعىلىنىڭ 2,1 شاقىرىمى, ش.قوسشىعۇلۇلى كوشەسىنىڭ 1,65 شاقىرىمى, ك.ازىرباەۆ, ش.قوشقارباەۆ جانە ت.جۇرگەنوۆ كوشەلەرىنىڭ 4,1 شاقىرىمى تۇرلەندىرىلمەك.
«ەۆرازيا» ساۋدا ءۇيى جانە «وربيتا» اۋدانىندا بىرنەشە كورپۋسى بار ءىرى ۋنيۆەرسيتەت, جەتى مەكتەپ, ون بالاباقشا, «ستۋدەنتتەر» جانە «جەرۇيىق» ساياباقتارى, «وتان انا» مەموريالى, اق بۇلاق جاعالاۋى, ەكى سپورت كەشەنى بار. جالپى العاندا وسى اۋماقتا 180 مىڭ ادام نەمەسە قالا تۇرعىندارىنىڭ 10 پايىزعا جۋىعى تۇرادى.
تۇرعىندارعا جايلى جاعدايلاردى تۋدىرۋ ماقساتىندا مۇندا نۇر-سۇلتان قالاسىنىڭ قاتال كليماتىنا ارنالعان ايازعا ءتوزىمدى كوپتەگەن اعاش وتىرعىزۋ, كەدەرگىسىز ورتانى قالىپتاستىرۋ جانە جاياۋ جۇرگىنشىلەردى كوبەيتۋ ءۇشىن قولايلى جاعداي جاساۋ جوسپارلانۋدا.
ال ش.قوسشىعۇلۇلى كوشەسى مەن سارىبۇلاق جاعالاۋىنىڭ ۇزىندىعى – 1,65 شاقىرىم. تۇرعىندار سانى – 80 مىڭ ادام. بۇل اۋدان ادامداردى تارتاتىن ورتالىقتىڭ بىرىنە اينالماق. بۇل كوشەدە الەۋمەتتىك باعدارلامالارمەن كوپتەگەن تۇرعىن ۇيلەر سالىنعاندىقتان, العاشقى كەزەڭدە اۋماقتى اباتتاندىرۋ جوسپارلانىپ وتىر.
بۇل اۋداندا قوعامدىق كەڭىستىك جەتىسپەيدى. سوندىقتان جاڭعىرتۋ جۇمىستارى ايتارلىقتاي وزگەرىستەر اكەلەدى. سارىبۇلاق ارناسىنىڭ كەڭەيتىلۋىنە بايلانىستى, ۋاقىت وتە كەلە سۋ اعىنى جىلدامدىعىن جوعالتتى. بۇل سۋدىڭ لايلانۋىنا اكەپ سوقتى. جوبا بويىنشا رەناتۋراليزاتسيا جانە ارنانى تارىلتۋ جاعدايدى تۇزەتىپ, قورشاعان ورتانى جاقسارتۋى ءتيىس.
ك.ازىرباەۆ, ر.قوشقارباەۆ جانە ت.جۇرگەنوۆ كوشەلەرىندە دە مەملەكەتتىك باعدارلامالارمەن ءبىراز ءۇي بوي كوتەرگەن. مۇندا بولاشاقتا بىرنەشە ساياباق سالىنباق. ەلوردا تۇرعىندارى مەن قوناقتارىنىڭ جاياۋ سەرۋەندەۋى ءۇشىن بارلىق جاعدايلار جاسالادى. ادامدار دەمالاتىن ورىندىقتاردى ورناتىپ, ۆەلوجولدار مەن جاياۋ جۇرگىنشىلەر جولدارىن سالۋ جوسپارلانىپ وتىر. بۇعان قوسا, ويىن الاڭىن, اقپاراتتىق بەلگىنى, سۋبۇرقاق ورناتۋ جوسپارلانعان.
قازىرگى كەزدە ەسكيزدەردىڭ نۇسقالارىمەن تانىسىپ, بۇل كوشەلەردىڭ بولاشاقتاعى كەلبەتىنە قاتىستى پىكىردى قالالىق ساۋلەت, قالا قۇرىلىسى جانە جەر قاتىناستارى باسقارماسىنىڭ «فەيسبۋكتەگى» رەسمي پاراقشاسىنا (@saulet2019) قالدىرۋعا بولادى.
