«Amanat» پارتياسىنىڭ حاتشىسى رينات كەرتاەۆ ەلورداداعى مادەنيەت پەن ونەر سالاسىنىڭ وكىلدەرىمەن كەزدەسۋ وتكىزدى. جيىنعا فيلارمونيا ديرەكتورى, قالالىق ءماسليحات دەپۋتاتى ەرلان داكەنوۆ, نۇر-سۇلتان قالالىق ءماسليحاتىنىڭ دەپۋتاتى ءلاززات رازبەكوۆا, قالالىق شتاب مۇشەلەرى قانات ەستەك پەن مالىك حاسەنوۆ, وڭىرلىك پارتيا فيليالىنىڭ اتقارۋشى حاتشىسى ساقتاعان سادۋاقاسوۆ قاتىستى.
رەفەرەندۋم وتكىزۋدى قولداۋ ماقساتىندا ۇيىمداستىرىلعان كەزدەسۋدە ونەر جاناشىرلارىنىڭ سۇراقتارىنا جاۋاپ بەرىلىپ, وزەكتى ماسەلەلەر تالقىلاندى. اتاپ ايتقاندا, پارتيا حاتشىسى رينات كەرتاەۆ: «جاڭا قازاقستاندا» وتكىزىلەتىن رەفەرەندۋم بارلىق وڭىرگە وزگەرىس اكەلەدى. ءبىر سوزبەن ايتقاندا, بيلىك پەن حالىقتىڭ اراسىندا جاڭا قوعامدىق كەلىسىم قالىپتاسپاق. بىرىنشىدەن, رەفورما سۋپەرپرەزيدەنتتىك باسقارۋ تۇرىنەن كۇشتى پارلامەنتى بار پرەزيدەنتتىك رەسپۋبليكاعا اۋىسۋدى كوزدەيدى. ەلىمىزدىڭ ساياسي جۇيەسىندە پارلامەنتتىڭ ءرولىن كۇشەيتۋ بويىنشا جۇيەلى ءارى ناقتى جۇمىستار جۇرگىزىلۋدە. ۇسىنىلىپ وتىرعان وزگەرىستەر بيلىكتىڭ زاڭ شىعارۋشى تارماعىنىڭ ماڭىزدى بولىگىن قامتيدى. زاڭ شىعارۋ پروتسەسىنىڭ تيىمدىلىگى ايتارلىقتاي ارتادى» دەدى.
ءانشى التىناي جوراباەۆا: «ءاربىر ءانشى بۇرىنعىداي كوركەمدىك كەڭەستىڭ سۇزگىسىنەن ءوتىپ, تەك جاندى داۋىستا ءان ايتسا, ونەردىڭ ءباسى ارتادى» دەگەن پىكىرىن ءبىلدىردى. سونىمەن قاتار قازاقستاننىڭ ەڭبەك سىڭىرگەن ءارتىسى, ءانشى, پروديۋسەر مايرا ىلياسوۆا مەن بەلگىلى ءانشى سۆەتلانا ايتباەۆا ءسوز الدى. ونەر يەلەرى كوكەيدە جۇرگەن ساۋالدارى مەن ماسەلەلەرىن ورتاعا سالدى. ونىڭ ىشىندە مەملەكەتتىك ءتىل مارتەبەسىن كوتەرۋ, مادەنيەت سالاسىنداعى قىزمەتكەرلەر جالاقىسىنىڭ تومەندىگى ايتىلدى. ءوز كەزەگىندە ديريجەر, مادەنيەت قايراتكەرى نۇرلان بەكەنوۆ: «ۇلتتىق تاربيە, ساپالى مۋزىكا مەن تالعامعا اسا ءمان بەرۋىمىز كەرەك. قازىرگى جاستار ەستەتيكانىڭ تومەندىگىنەن فيلارمونيانىڭ كونتسەرتىنە ەمەس, جەڭىل شوۋعا قىزىعادى» دەگەن ويىمەن ءبولىستى.
پارتيا حاتشىسى بارلىق ايتىلعان ۇسىنىستار مەن پىكىرلەر ەسكەرىلەتىنىن جانە «Amanat» پارتياسى جانىنداعى «Miras» كەڭەسىنىڭ قاراۋىنا ۇسىناتىنىن مالىمدەدى. وزەكتى دۇنيەلەر مەن سىن-پىكىرلەر ايتىلعان كەلەلى كەزدەسۋدە ونەر يەلەرى پرەزيدەنتتىڭ اتا زاڭعا وزگەرىستەر مەن تولىقتىرۋلار ەنگىزۋ بويىنشا قولعا العان باستاماسىن قولدايتىندارىن ايتتى.
