وسى اپتادا نۇر-سۇلتان قالاسى مادەنيەت باسقارماسىنا قاراستى مادەني وشاقتار قىزىقتى قويىلىمدار, اسپاپتىق انسامبلدەردىڭ كونتسەرتتەرىن, كورمەلەردى, دارىستەر جانە تاعى باسقا شارالاردى ۇسىنادى.
ە.راحماديەۆ اتىنداعى مەملەكەتتىك اكادەميالىق فيلارمونيا 19 ءساۋىر كۇنى ساعات 19:00-دە كورەرمەندەردى «استانا وپەراداعى» ك.بايسەيىتوۆانىڭ كامەرالىق زالىنا «ۋاقىت ايناسى» حور مۋزىكاسىنىڭ كونتسەرتىنە شاقىرادى. 22 ساۋىردە ساعات 19:00-دە فيلارمونيا ارتىستەرى كاكىمبەك سالىقوۆتىڭ 90 جىلدىعىنا ارنالعان «جەز كيىك» كونتسەرتىندە ونەر كورسەتەدى. كۇندىز مۇندا «Le Printemps Romantique» سيمفونيالىق وركەسترىنىڭ كونتسەرتى وتەدى.
مۋزىكالىق جاس كورەرمەن تەاترى ەكى قويىلىم ۇسىنادى. 21 جانە 22 ساۋىردە ساعات 19:00-دە كورەرمەندەر «شانەل» دەرەكتى دراماسىن, 24 ساۋىردە ساعات 18:00-دە «ءشامشى» ميۋزيكلىن تاماشالاي الادى.
قۋىرشاق تەاترىندا 22 ءساۋىر ساعات 16:00-دە جانە 23-24 ساۋىردە 12:00, 14:00, 16:00-دە حالىق ەپوسىنىڭ جەلىسى بويىنشا ق.ەجەمبەكتىڭ «ەر توستىك» قويىلىمى وتەدى.
22 ساۋىردە كرەاتيۆتى يندۋستريانى دامىتۋ ورتالىعى NOMAD City Hall-دا ليگانىڭ ءبىرىنشى كەزەڭى «كوڭىلدى تاپقىرلار الاڭى» ويىنىن ۇيىمداستىرادى, ال 23 جانە 24 ساۋىردە شارا جيەنقۇلوۆانىڭ 110 جىلدىعىنا ارنالعان حورەوگرافتار مەن بالەتمەيستەرلەردىڭ «قاماجاي» رەسپۋبليكالىق كونكۋرسىن وتكىزەدى.
«جاستار» تەاترى 19 جانە 20 ساۋىردە س.قاسىمبەكتىڭ «ليفت» پسيحولوگيالىق دراماسىنا شاقىرادى. 21 ءساۋىر كۇنى ساعات 11:00-دە «ۇر, توقپاق» قازاق حالىق ەرتەگىسى, 23 ءساۋىر ساعات 19:00-دە س.راەۆتىڭ «جۇماققا قاراي ۇزاق جول» قويىلىمى, ن.ءورازاليننىڭ «قىلكوپىر» دراماسى كورسەتىلەدى. 24 ساۋىردە جاستاردىڭ ورىنداۋىندا ش.ايتماتوۆ, و. بوكەي, ر. مۇقانوۆانىڭ شىعارمالارى نەگىزىندە «عاسىردان دا ۇزاق» ءتريپتيحىن كورۋگە بولادى.
ورتالىقتاندىرىلعان كىتاپحانالار جۇيەسى كۇندەلىكتى ءىس-شارالاردى مۇمكىندىگىنشە كوپ وقىرمان تارتۋ ءۇشىن ۇيىمداستىرادى. 20 ءساۋىر كۇنى ورتالىق قالالىق كىتاپحانانىڭ قىزمەت كورسەتۋ بولىمىندە «قازاقتىڭ ءبىرتۋار ءانشىسى امىرە قاشاۋباەۆ» اتتى سلايد-پرەزەنتاتسيا وتەدى. وسى كۇنى №2 بۇقارالىق كىتاپحانادا «ءان ونەرىنىڭ ساڭلاعى – امىرە» ادەبي مۋزىكالىق ساعاتى, №2 بالالار كىتاپحاناسىندا «جۇرەگىمە جول تارتقان سۇيىكتى ولكەم» تانىمدىق ساعاتى, №8 بالالار كىتاپحاناسىندا «زياندى ادەتتەر. ءومىر بوس ءوتىپ كەتپەس ءۇشىن…» ءىس-شارالارى وتەدى. 21 ساۋىردە ورتالىق بالالار مەن جاسوسپىرىمدەر كىتاپحاناسى وقىرمانداردى «ءبىز كىتاپحاناعا بارامىز» تانىمدىق ساعاتىنا شاقىرادى. سول كۇنى تۇستەن كەيىن ورتالىق قالالىق كىتاپحانانىڭ قىزمەت كورسەتۋ ءبولىمى «مۇنىڭ ءبارى ول تۋرالى» ۆيكتوريناسىن, №5 بالالار كىتاپحاناسى – «كىتاپتى اشامىن – الەمدى اشامىن» اقپاراتتىق ساعاتىن, №2 بالالار كىتاپحاناسى – «عاجايىپتاردىڭ عاجايىبى» اقپارات ساباعىن وتكىزەدى. 23 ءساۋىر كۇنى № 10 بۇقارالىق كىتاپحانادا «كىتاپ – ءماڭگىلىك ەلدىڭ قۇندىلىعى» اتتى ادەبي مارافون وتەدى. 24 ءساۋىر كۇنى № 3 كوپشىلىك كىتاپحاناسى «ونەگەگە تولى ءومىر» اتتى ادەبي-كوركەم ساعاتقا شاقىرادى.
ساياسي قۋعىن-سۇرگىن جانە توتاليتاريزم قۇرباندارىنىڭ «الجير» مەموريالدى-مۇراجاي كەشەنى 20 ساۋىردە «تاعدىر توعىستىرۋشى ءجىپ» تاقىرىبىندا ءدارىس وتكىزەدى.
19 ساۋىردە «ماڭگىلىك ەل» سالتانات قاقپاسىندا «قازىبەك ءبيدىڭ تۋعانىنا 355 جىل» ونلاين-ساباعى وتەدى.
