2024-2026 جىلدارى ەلوردادا مادەنيەت سالاسىنا قوسىمشا 1 ملرد 984 ملن تەڭگە قارجى ءبولۋ كوزدەلىپ وتىر, دەپ حابارلايدى astana-akshamy.kz
بۇل تۋرالى استانا قالاسى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى قايسار ماڭقاراەۆ ءمالىم ەتتى.
ەلوردانىڭ قوعامدىق كەڭەس وتىرىسىندا استانا قالاسىنىڭ 2024-2026 جىلدارعا ارنالعان بيۋدجەتىنە وزگەرىستەر ەنگىزۋ ماسەلەسى قارالدى.
«2024 جىلدارعا ارنالعان تۇسىمدەر بويىنشا جوسپاردى 105 ملرد تەڭگەگە وسىمىمەن قايتا قاراۋ ۇسىنىلادى. ونىڭ ىشىندە سالىق تۇسىمدەرى 95 ملرد تەڭگە, سالىق ەمەس تۇسىمدەر 4 ملرد 789 ملن تەڭگە جانە نەگىزگى كاپيتالدى ساتۋدان تۇسەتىن تۇسىمدەر بويىنشا 4 ملرد 940 ملن تەڭگەگە قايتا قاراۋدى قاجەت ەتەدى. شىعىستار بويىنشا جۇمىسپەن قامتۋ جانە الەۋمەتتىك قورعاۋ باسقارماسىنا مەردىگەرلىك تولەمدەرگە, الەۋمەتتىك تولەمدەردى الۋشىلار سانىنىڭ ۇلعايۋىنا بايلانىستى جانە مۇگەدەك جانداردى الەۋمەتتىك قولداۋعا, 2400 ادامعا ءۇيدى جوندەۋگە جانە باسقا دا الەۋمەتتىك قولداۋلارعا جالپى سوماسى 5 ملرد 595 ملن تەڭگە قاراجات كوزدەلىپ وتىر», – دەپ باياندادى قايسار ماڭقاراەۆ قوعامدىق كەڭەس الدىندا.
ودان بولەك, باسقارما باسشىسى مادەنيەت باسقارماسىنا 2 ملرد-قا جۋىق قاراجات سۇراپ وتىر.
«مادەنيەت باسقارماسىنا مەملەكەتتىك شىعارماشىلىق تاپسىرىستى ىسكە اسىرۋعا, «ماڭگىلىك ەل» سالتانات قاقپاسىنىڭ كۇتىمىنە, ۆەدومستۆولىق باعىنىستى مەكەمەلەر مەن مادەنيە ۇيىمدارىنىڭ كۇردەلى شىعىستارىنا قوسىمشا 1 ملرد 984 ملن تەڭگە قارجى ءبولۋ كوزدەلىپ وتىر», – دەيدى ول.
